LUKA 5:1 - PATHIAN LEKHABU THIANGTHO (BSI)

¹ Jesu chu Genesaret Dil pâm ah a din pêt in, mipite a Pathian thugen ngaitha dingin a hung tai khawm sau sau un,

LUKA 5:1 ပူးပေါင်းရင်းမြစ်များ

KISIMNA LEKHABU 34:11

zia gamgi chu Sepham ah kipat in Ain sualam kâi ah um Riblah tiang in kithung suk pek intin; chuleh, gamgi chu kithung pek in Chinnereth Dil sualam pang ah kenliang tiang in thun hi’ntin;

MATTHAI 11:12

Baptispa Johan in thu a gen ah kipat khan tu’tiang hin van-gam chun pawngbawlna a tuak in, a pawngbawlte ma ma chun a pawng lâk sek ui.

MATTHAI 14:34

Dil gâl langkhat lam a hung tun phat un, Genesaret gam a hung tung tau a.

MARKA 3:9

Mipi chu a hung tam ziak un, a sukbuai lona ding un a nungzuite chu kuangneu pakhat ngaituasa koi dingin a hil a.

MARKA 4:1

Dil pâm ah thu a hun gen pan kit a. Mipi tam tak a hung khawm un, kuang sung ah a lut ah, a kichu, mipite zosia chu se’pho ah chun a um un.

MARKA 5:24

Jesu chu ama tawh kiton in a chia tai. Mipi tam tak in a zui ua, a tuam hut hut un.

MARKA 6:53

Gâl langkhat lam a hung kai un, Genesaret gam a tung ua, a kuang uh tuipi gei in a hên tau hi.

LUKA 12:1

Zia nung ah chun mipi sim sên lo ding hial tam tak hung khawm in, a kiphu mên mûn ziang tau ah; a nungzuite kiang ah chun: Pharisaite phatlêmna thawi lak ah chun chingthei un.

LUKA 5:2

dil gei ah chun long pani a mu’n; sanga mante chu pawtdok ah, a lenteu a sawp lai tak uh ahi’n.

LUKA 8:22

Ni khat chu a nungzuite tawh long sung in a lut tau a: “Dil gâl langkhat lam ah gâl kâi hitiu,” a hun tia. Tichun, a kipan tau a.

LUKA 8:23

A kitawl lai un ama chu a la ipmu tai. Dil chung ah chun thigawpi nasa tak a hung hâng ta’n; a long uh tui a dim vâng vâng ah, lauthawn um tak in a um tau a.

LUKA 8:33

Tichun, thitha buakte chu zia mipa sung ah kipat chun a pawtdok un, vokchate sung ah chun a lut tau a; vokchate chu kawllêk in a taithau in, dil sung ah chawm lut in, tui hapvâ in a thi zo tau hi.

LUKA 8:45

Ziaphatchun Jesu’n, “Kua a hem ei khoi?” a hun tia. Himaleh, Ama khoi kha chu umlo ahi dan uh a gen chiat tau a. Peter chun, “Hotupa, mipi’n a hun tuam hut hut un, a hun phu mên mûn uh hi lam,” a tia.

JOHAN 1:40

Johan thugen a la he hun zui panite lak ah pakhat chu Andria ahi; ama chu Simon Peter suapi ahi.

JOHAN 6:1

Zia nung ah chun, Jesu chu Galili Dil, Tiberia Dil le a tiu, gâl langkhat lam a gâl kâi kit a.

DAN LEKHABU 3:17

Arabah tawh Jordan lui pang Kinnereth ah kipat Arabah dil, Tuipi Thi kiti tawh, sualam pang ah Pisgah tângpang gam zosia chule a huam a.

HEBRAITE 13:7

La hotuteu, Pathian thugente chu hezing un; a hinkhua mat danteu chu ngaituau inla, a ginnau chu enton in zui un.

JOSHUA 12:3

chuleh, sualam ah Arabah mun ah kipat Kinneroth Dil tiang leh, Beth-Jeshimoth lam zuan ah Arabah luipi leh Tuipi Thi tiang leh, simlam ah Pisgah tângpang tiang in a huap ah;

JOSHUA 13:27

phâicham ah Beth-haram, Beth-nimrah, Sukkoth, Zaphon leh Heshbon ah lengpa Sihon lenggam zosia, Jordan lui leh a lui pang zosia leh Jordan lui gâl sualam pang ah Kinnereth Tuipi mallam mawng tiang a huap a.