LUKA 4:42 - PATHIAN LEKHABU THIANGTHO (BSI)

⁴² Khua a hung vak phatin a pawt ah, gamthip lam in a chia tai. Mipite chun a hun hawl ua, a kiang in a hung ua, chia mang lo dingin a hung tho tau hi.

LUKA 4:42 ပူးပေါင်းရင်းမြစ်များ

MARKA 1:45

Himaleh, ama chu a pawt a, zia thu chu kikopi in a gen jak tai; tichun, Jesu chu mi mu in khua’n a lut thei ta pua’n, munthip in a um zaw tai; himaleh, muntin ah kipat in a kiang in a hung khawm tho tho ui.

LUKA 24:29

Himaleh, amau chun a tho ua, “Ka kiang un um ta’nla, khuale a vâigei ta’n, ni le tum ding a hita hi lam,” a tiu a. Tichun, a kiang ua um dingin a lut tai.

LUKA 6:12

Zia hun lai ah chun, tâng chung lam ah pauchap dingin a chia ah; jan khawvak in Pathian kiang in a pauchap a.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 4:40

Tichun, Samari mite chu Jesu kiang in a hung un, a kiang ua um dingin a chial tau a; tichun, zia tak ah chun ni ni’ a châm tai.

JOHAN 6:24

Mipite chun, zia tak ah chun Jesu leh, a nungzuite chule a um ta puau hi ti, a het phat un, kuang ah chuang in Jesu hawl in Kapernaum khua a hung tung tau hi.