LUKA 4:34 - PATHIAN LEKHABU THIANGTHO (BSI)

³⁴ “Nazareth Jesu, bang ei law ding ah hung la hem? Ei sumangthai ding ah hung la hi maw? Nangma ka hun hia’i, Pathian Mithiangtho la hi,” ti’n a kiko a.

LUKA 4:34 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

1 LENGTE 17:18

Ziaphatchun, amanu chun Elijah kiang in, “Ka chung ah bang a hem la lungdamlo’na, aw Pathian mi? Ka gitlona ei kigêl dawsak kit ding leh ka chapa thi’sak ding ah hung la hi maw!” a tia.

SAM 16:10

Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

MARKA 1:24

a hung kikodok a: “Nazareth Jesu, kei haw bang ei law ding la hi em? Ei sumangthai ding ah hung la hi em? Nang, Pathian Mithiangtho la hi ka henai,” ti in.

MARKA 1:34

Tichun, natna chi chuam chuam ah na zosia a la hi’dam a, thitha buak matte le a nawdaw piak ah, thitha buakte chun ama a het ziak un, a pau daw ding uh a phal puai.

MARKA 5:7

“Tichun, aw ngai tak in a hung kiko a; Jesu, Chungnung pen Pathian Chapa, bang ei law ding ah hung la hem? Ei sawisa lo ham ham dingin Pathian min in ka don la hi,” a tia.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 4:33

Zia sunagog ah chun thithabuak vop mi pakhat a um ah; ama chu aw ngai tak in a hung kiko a,

LUKA 4:41

Thitha buakte hawle kiko kawm kawm in a pawt un, “Nang hi Pathian Chapa chu la hi” a tiu a. Ama chu Messiah ahi ti a het ziak un, pau lo dingin a vau tai.

LUKA 8:28

Jesu a hun mu phât in a kiko ah, a ma-âng in a bokkhup ah, aw ngai tak in, “Jesu, Chungnung pen Pathian Chapa, bang ei law ding ah hung la hem? Ei sawisa lo dingin ka don la hi,” a tia.

LUKA 8:37

Ziaphatchun, Gerasin gam leh a tuamvêl ah mi zosia chun a lau ma ma ziak un, amau chu nusia dingin Jesu chu a don tau hi. Tichun, long ah chun a lut ah, a kile’kit tai.

NASEPTE 16:39

A hung ua, a kiang un ngaidam a don tau a. Chun, a puidok ua, zia khawpi chu nusia ta dingin a don tau a.

NASEPTE 2:27

Ka thagau chu mithi khua’n nusia pua’n la tin, la mithiangtho chu a muatmang dingle phal diak pua’n la.

NASEPTE 3:14

Mithiangtho leh dik tak chu doi lo in, tualthat pakhat la kiang ua piak dingin la don zawu a;

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

HEBRAITE 2:14

Naupangte chu taksa leh thisan changte ahiziak un, ama ngei inle zia ma chu a hung chang a; thina ziakin thina chung ah thuneipa Diabol chu a sukmanthai theina ding in.

JAKOB 2:19

Pathian chu pakhat ahi ti la gingcha, la bawl phai. Thithate’n le a gingchau ah, a kithing sek uh ahi.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

THUPUAN 20:2

Dragon, gulpitêk, Diabol leh Setan a tiu chu a man ah, kum sâng khat sung â dingin a kân tawm a.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi: