LUKA 4:23 - PATHIAN LEKHABU THIANGTHO (BSI)

²³ Ama’n a kiang un, “Nang un zia tekhinthu, ‘Daktor, nangma kihi’dam in! Kapernaum khua la thilbawl ka la het zosiau kha, zia tak ah nangma khua lam ah hinle bawl in’ ei ti ngei ding la hiu.

LUKA 4:23 ပူးပေါင်းရင်းမြစ်များ

MATTHAI 13:54

Ama umna gam lam a hung tun phat ah chun, a kikhopna In un thu a vahil ah; a thu ngaitha zosia chun mak a sa ma mau a: Zia pa hin zia pilna leh zia gual thil lopi takte a hi’theina hi khoi ah kipat a mu a hem?

MATTHAI 4:13

Nazareth khua nusia in, Kapernaum khua’n a chêngden tai; zia chu Zebulun leh Naphtali gam ah Dil gei ah um ahi’n;

MATTHAI 4:23

Jesu’n sunagog ah a kikhopna Inteu ah chun, gam chanchinpha chu hil in, mite lak ah hivei tincheng leh damlona zosia hi’dam in Galili gam zosia a fang suak tai.

MARKA 6:1

Zia kipat chun a pawtdok ah, ama khua Nazareth lam in a chia ah; a nungzuite chun a zui pek un.

LUKA 2:39

Tichun, Lalpa dan dungzui ah a thillat ding zosiau a latzaw phat un, Galili lam ah Nazareth khua’n a chia kit tau a.

LUKA 2:51

Ziaphatchun, amau chu a zui ah, Nazareth khua a hung tung kit tau ah; a thuu mang tak in a um a; himaleh, a nu chun a thugen zosia chu a tepte zing hi.

LUKA 4:16

A seiletna khua Nazareth chu a hung tun phatin, sabbath ni a hi’dan ngai gual in kikhopna In ah a lut a. Lekhabu sim dingin a hung ding a.

LUKA 4:31

Galili gam ah khawpi, Kapernaum lam ah chun a hung ah, sabbath ni’n mite chu thu a hil sek a.

LUKA 4:35

Himaleh, Jesu’n a vau ah, “Thip inla, a sung ah kipat in hung pawt in,” a tia. Tichun, thitha chun a ma-âng un a sep pai ah, suliam lo in a sung ah kipat in a hung pawt tai.

LUKA 6:42

Nangma mit ah thingbong um chu mu lo in la unau kiang ah, ‘Unau, la mit ah ki’dak them um chu hun lakdaw piak ing ka’ bangti’n tithei ding la hem? Nang, miphalêm, la mit ah kipat thingbong chu ladok masa’n la, tichun, la unau mit ah kipat ki’dak them um chu ladok dingin muchian thei ta’n la,” a tia.

JOHAN 4:28

Ziaphatchun, numei chun a tuibêl chu a nusia ah, khawpi lam ah chun a tai ah, mite kiang in,

2 KORINTH 5:16

Chutichun, tu’kipat hin taksa lam in kuama ka he ta puau hi; Khrista chu taksa lam in a la he ta leng unle, tun vang ka he ta puau hi.