LUKA 3:32 - PATHIAN LEKHABU THIANGTHO (BSI)

³² ama chu Jesse chapa ahi’n, ama chu Obed chapa ahi’n, ama chu Boaz chapa ahi’n, ama chu Sala chapa ahi’n, ama chu Nahshon chapa ahi’n,

LUKA 3:32 ပူးပေါင်းရင်းမြစ်များ

1 LENGTE 12:16

Israelte zosia chun lengpa’n amau a ngaisak puai ti a het phat un, mipite chun lengpa kiang in, “David ah pat bang chan I nei ua a hem? Jesse chapa ah gochan bangma I nei puau hi. Aw Israelte haw, la puanbûk lam un chia kit tau in! Aw David, la Inkuan ki-etphat mai in,” ti’n a dawnhu tau a. Tichun, Israelte chu a puanbûk lam chiat un a kihemdok zo tau hi.

SAM 72:20

Jesse chapa, David pauchapnate chu a tawp tai.

KISIMNA LEKHABU 1:7

Judah phung ah Amminadab chapa Nahshon;

KISIMNA LEKHABU 2:3

Sualam, nisa sua’na lamkai ah chun Judah phung ah mite’n, a pawl pawl in giamun a bawl diu ahi. Judah phung ah lamkai ding chu Amminadab chapa Nahshon hi’ntin,

KISIMNA LEKHABU 7:12

Phung tin ah luchang zosia’n a kibang chiat ah kithoina thillat, a bân bân in zia gual hin a hun choi tau a. A thillatteu chu: Mun thiangtho ah kimang shekel dungzui ah te’ in, shekel za leh sawmthum ah gik dangka thîk kuang khat chiat, shekel sawmsagi ah gik dangka thîk kuangdal khat chiat, an thillat ding chângbuang nêl pha tak, sathau tawh helsa a dim chiat tawh; chuleh, shekel sawm ah gik sana kuangdal khat chiat, a dim ah gimtui um tawh; chuleh, hâlmang thillat ding bawngchal khat tawh kêlchal khat chiat; kum khat ah upa belamno khat chiat tawh; gitlo thoina ding kêlchal pakhat chiat tawh; kichamna thillat ding bawngchal pani chiat, belamchal panga chiat, kêlchal panga chiat; kum khat ah upa belamno panga chiat tawh, zia gual hin a bân bân in a hun chawi tau a: A ni, phung min, puitu min leh a pateu min chiat chu:

MATTHAI 1:1

Abraham suan, David suan ah Messiah kiti, Jesu hung pian dan chu zia gual hi ahi:

LUKA 3:31

ama chu Melea chapa ahi’n, ama chu Menna chapa ahi’n, ama chu Mattatha chapa ahi’n, ama chu Nathan chapa ahi’n, ama chu David chapa ahi’n,

LUKA 3:33

ama chu Aminadab chapa ahi’n, ama chu Admin chapa ahi’n ama chu Arni chapa ahi’n, ama chu Hezron chapa ahi’n, ama chu Perez chapa ahi’n, ama chu Judah chapa ahi’n,

1 SAMUEL 17:58

Saul in a kiang ah chun, “Tangval, kua chapa la hi em?” ti’n a dong a. David in, “La suakpa, Beth-lehem mi Jesse chapa ka hi,” ti’n a dawnhu tai.

1 SAMUEL 20:31

Jesse chapa hi lei ah a dam sung sia, nang hin, la lenggam hileh sukdet in um pua’n ah; a kin thei pen in vakosak inla, hun pui lût in; a thi lo tâk leh aw!” ti’n a dawnhu a.