LUKA 3:11 - PATHIAN LEKHABU THIANGTHO (BSI)

¹¹ Ama chun a kiang un, “Kuale puanâk pani nei chun a neilote hawm unla, nêk ding nei chunle zia gual ma chun hiu in,” a tia.

LUKA 3:11 ပူးပေါင်းရင်းမြစ်များ

EZEKIEL 18:7

kuama poi a khoi lo ah, a kitiamna dungzui ah a leibat a dit kit ah, misuam ah pang lo ah, gilkialte nêk ding a piak ah, sil leh chên beite a thuam a,

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

MATTHAI 25:40

Lengpa chun a kiang un, titakzet in ka hil la hiu, zia ka unaute lak ah a neupen chung ah la hiu kha le, keima chung ah hi’ la hiu, hun ti ta’n a.

LUKA 11:41

Himaleh, la nei leh lamteu chu migentheite kiang in pia zaw leu chin, nang uh â dingin bangkim a thiang ahi.

LUKA 18:22

Jesu’n zia a thugente chu a het phat in a kiang in, “Aleh, thil pakhat in la vât nalai hi; la nei zosia zuak in la migentheite kiang in vapia’n, chuti leh van ah go nei in la; chuleh, hung in la, ei zui in,” a tia.

LUKA 19:8

Chuleh, Zakai chu a ding ah, Lalpa kiang ah chun, “Ngaitia Lalpa, ka nei kimkhat hi gentheite kiang in pia’ng ka tin; chuleh, kua sum hita leh, ka lêpguk a um chun a le’li’n dit kit ing ka,” a hun tia.

JOHAN 13:29

A lak ua khenkhat chun, Juda chun dangka dip a vop ziakin, “Kûtna mat ding thil poimaw vachaw ding ah Jesu’n a sawl a hem, ahiloleh, gentheite kiang ah piak ding bang a hem chaw ding ah a sawl hi’n a,” a tiu a.

NASEPTE 10:2

Ama chu Pathian ngaisak tak, a sunghawu ah Pathian lau tak ah khawsa mi, migentheite kiang ah le thilpiak chîng mi, Pathian kiang ah pauchap zing mi ahi.

NASEPTE 10:31

Ka kiang in, ‘Kornelia, la pauchapna kha het in a um ta’n, mite kiang ah la thilpiakte kha le Pathian in a hezing hi.

NASEPTE 10:4

Ama chun lau tak in a vak en ah, “Lalpa, bang a hem?” a tia. Ama chun, a kiang in, “La pauchapnate leh la thilpiakte kha Pathian ma’n het zing dingin a tung to tai.

EPHESA 4:28

Gucha chun gûkchâk haisan hen la, a tasam kiang ah piak ding a neitheina dingin a khut ah dik tak in sêmgim zaw ta hen.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

1 TIMOTHI 6:18

Amau chun thilpha a hiu ah, nasep pha lam ah a hausat ua, a huangphal ua, a kiphal ding uh ahi.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

JAKOB 2:14

Ka suapite haw, ginna ka nei hi ti’n, nasep la neilo chun bang a phachuam diam? Ginna chun a hun hukdam thei diam?

1 JOHAN 3:17

Kua’nle khawvel sum leh pâi nei in, a suapi tasam chu mu ngal in, panpi nuamlo ta leh, Pathian hepina ama ah bang ti’n a um thei diam?

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.