LUKA 24:44 - PATHIAN LEKHABU THIANGTHO (BSI)

⁴⁴ Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

LUKA 24:44 ပူးပေါင်းရင်းမြစ်များ

THILSIAM THU 14:18

Chuleh, Salem khua lengpa Melkisedek in vaithum tawh uain a hun chawi ah; ama chu El Elyon thiampu ahi.

THILSIAM THU 22:18

Ka thu la zop ziak ah hin la suante ah kipat in khawvel chitin maljawlna piak hi’n au,” a ti’n.

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

SAM 118:22

In samite suang doi lo kha, zia ngei chu a kil ah suang poimaw pen a hung hi tai.

ISAI 28:16

Ziaziakchun, Lalpa Pathian chun: “Ngai un, Zion ah chun, a suangphûm patna dingin suang pakhat, etchianna suang–suangphûm lûl tak khat chu ka lem in, ‘Ama ging taphot chu zakcha pua’n au!

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 33:14

Israelte Inkuan leh Judate Inkuan chung ah thil bawl ding ah ka tiamte guitunna ding nite chu hung tung ding ahi tai, Lalpa‘n a tii.

EZEKIEL 17:22

Lalpa Pathian in zia gual hin a gen hi: Sidar thing sâng tak ah kipat in, a bâksel neucha la’ng ka tin; keima’n phu ing ka. A jikpi pen ah a sel thak khat thiak ing ka tin; tângsâng leh lian tak ah phu ing ka.

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 7:13

Jan ah kilâkna ka et zing lai in, van sûmpi lak ah mihing mêlpu pakhat ka vak mu’n. Tuan ah tâng ah mi kiang lam a zuan in, a ma-âng in a pui lût tau a.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ZEKARIAH 14:4

Ziaphat chuleh, Jerusalem sualam kai ah Oliv tâng chu a keng in hun chuan intin; chuleh, Oliv tâng chu sualam leh tumlam ah kikhen jak in, a kâl ah phâijawl lian tak hung um ta’n ah; chun, tâng kimkhatte gêl chu phel ni kisua in, khat in mallam zuan in, khat in simlam zuan in a.

ZEKARIAH 6:12

a kiang in: Sepai honte Lalpa chun zia gual hin a gen hi: Zia tak ah hin mi pakhat, a min a Bâk kiti a um hi; a umna mun ah chun hung seldok intin, Lalpa tempul ding hun sa ngal ding ahi ziakin.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

KISIMNA LEKHABU 21:8

Lalpa chun Mosi kiang in, “Gûl gu hât chi lim siam inla, mol khat in tâk in; zia chu gûl in a chuk tapo in a et uh leh dam mai ding a hiu,” a tia.

KISIMNA LEKHABU 35:25

Chuleh, mipite chun thisan phuba la dingpa khut ah kipat chun mithatpa chu hukdok in au. Ziaphat chuleh, mipite chun mithatpa chu bitna khawpi ma ma ah chun thak tung kit uh hen. Sathau thiangtho nu’ ah um thiampu lianpen a thi masia, mithatpa chu zia tak ah chun a um den ding ahi tai.

MATTHAI 1:22

Zia hi Lalpa‘n a jawlneite mang ah a thugente kha a guitunna ding ahi:

MATTHAI 16:21

Zia hun ah kipat chun, Jesu’n a nungzuite kiang in Jerusalem ah a chia ding dan, upate, thiampu liante leh, lekhazikte khut ah haksatna tam tak a thok ding dante, tha ah a um ding dante, a ni thum ni’ kaithaw ah a um kit ding dante chu a hilpan tai.

MATTHAI 26:54

Himaleh, zia gual ah chun hi taleng bangti’n Pathian Lekha thu guitung thei ding a hem? a tia.

MATTHAI 26:56

Himaleh, Pathian lekha thu, jawlneite’n a gen haw kha a guitunna ding in zia thilte hi tung ahi, a tia. Nungzuite zosia khan a taisan ua, a jam mang tau hi.

MARKA 9:31

a nungzuite chu thu a hil ah, a kiang un, “Mihing Chapa hi mite khut ah matsak ah um ding ahi’n, hun that intiu in, a ni thum ni leh hung thokit ding ahi,” a tia.

LUKA 21:22

Zia ni chu phuba lak ni, thil zosia guitunna ding ah a la kizikte guitun ni hung hita’n a.

LUKA 22:37

Ka hil la hiu, ka chungchâng thu ah kizik: Ama chu migilote lak ah simkhawm ahi, ti thu kha; zia gual ah ka chung thu ah kigente kha guitung kim ding ahi tai,” a tia.

LUKA 24:46

Ama chun a kiang un, “Zia gual ah hin a la kizik hi, ‘Zia thilte chu Messiah chun thuak intin, a ni thum ni leh thina kipat in thokit ding ahi.

LUKA 9:22

“Mihing Chapa hin haksatna tam tak thuak intin, upate leh thiampu lalte leh lekhazikte doi lo in um intin, that intiu in; himaleh, a nithum ni leh thokit ding ahi,” a tia.

LUKA 9:44

“Zia ka thugen hi la nakhang un lut ta hen: Mihing Chapa hi mite khut ah matsak in um ding ahi,” a tia.

JOHAN 3:14

Mosi’n gamthip ah sumgul a khaikâng gual khan, Mihing Chapa hile khaikâng ah um intin.

JOHAN 5:39

Pathian Lekhabu sung ah kumtuang hinna um ah la het ziak un, gunchu tak in la sim sek ui; ziate chu keima thasâng ah thu hun hiatsak ahi ngal a.

JOHAN 5:46

Mosi kha a la ging tak tak hileuchin, keima le ei ging ding la hiu: Ama khan kei chungchâng thu ngen a la zik ahi ngal a.

NASEPTE 13:33

Pathian in Jesu a hun kaithaw kitna ah hin, eihaw a chate kiang ah hin zia chu a hun sukguitun dan ei hilna ahi; Pâkna Labu panina chun: “Nang hi ka Chapa, tu’ni hin ka hun hin la hi,” ti’n a la kizik ah.

NASEPTE 13:40

Ziaziakchun, jawlneite’n a la gen zosiau kha la chung ua a tun lona dingin, chingthei tau in;

NASEPTE 2:27

Ka thagau chu mithi khua’n nusia pua’n la tin, la mithiangtho chu a muatmang dingle phal diak pua’n la.

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.

NASEPTE 7:37

Zia Mosi khan Israel chate kiang in, nangmau mite lak ngei ah kipat in, Pathian in jawlnei pakhat keima ei tundaw gual in hun tungdok ding ahi, a la ti’n.

HEBRAITE 10:1

Dan chu thil pha hung tung dingte lîm bep leh, a tak chu a hilo ziakin, kum si’n ah kithoina a lat zingteu chun a hun naite chu bangtik inle a subukim pua’n.

HEBRAITE 3:5

A vainung ah gen ding ah hiatsakna dingin Mosi chu Pathian Insung zosia ah nasem ahi’na ah chun a ginum pen hi.

HEBRAITE 7:1

Zia, “Melkisedek, Salem lal chu, Chungnung pen Pathian thiampu ahi’n, Abraham in lal dangte a zaw ah, a kile’kit a la dawn ah, a la maljawlpa kha ahi”.

HEBRAITE 9:8

Thagau Thiangtho chun, biakbûk masa chu a din nâklai ziakin, Munthiangtho pen ah lutna lampi chu a kilang nai puai, ti a hiatsak hi.

1 PETER 1:11

Khrista Thagau amau ah um chun, Khrista thokna ding leh, zia zaw ah lopina hung um dingte chu a la hiatsak lawk lai ua khan, a ni leh hun ding hetdaw a la guau a.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.