LUKA 24:32 - PATHIAN LEKHABU THIANGTHO (BSI)

³² Ziaphat chun, amau chu a kiho ua, “Lampi ei holimpi ah, Pathian Lekhathu ei hun hilchian lai ah khan I lungthim uh a hal huai him hilo a hem maw?” a kitiu a.

LUKA 24:32 ပူးပေါင်းရင်းမြစ်များ

SAM 104:34

Ka ngaituana hi a kipakna lam hi hen la, Lalpa ah chun ka kipak ngal a.

SAM 39:3

ka sung ah hin ka lungchang a sa hut hut hi. Ka ngaitua po leh a khawk zaw diak in; ziaphatchun, ka lei in thu a hun gen ta’n:

THUPILTE 27:17

Thîk in thîk dangma a tât-hiam gual in, mihing khat in midang khat hetna a tât-hiam thei hi.

THUPILTE 27:9

Sathau gim tui leh gim tui hâl in lungthim a hilim sek in; ahi’n, buaina’n lungthim a kai chim sek hi.

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.

JEREMIAH 15:16

La thute chu mudaw a hita’n, chuleh, ka ne ta hen; tichun, la thute chu kei â ding ah, limna leh ka lungthim kipakna a hung hi. Aw Lalpa, sepai honte Pathian, la min ah ko ah um sek ka hi’ngal a.

JEREMIAH 20:9

“Ama chu gen puak ta pua’ng ka tin, a min inle thu gen kit ta pua’ng ka,” ka tileh la, zia phat chuleh, ka theng sung ah meiâm um gual in, ka thipsan thei pua’n; ka thip hiat hiat leh la ka thuak zo sek pua’n, ka thipsan thei diak paw’ngal a.

JEREMIAH 23:29

Ka thu hi mei tawhbang leh, suangpi khen phel gei gui thei, sek tawhbang hilo a hem? Lalpa‘n a tii.

MARKA 4:34

Tekhinthu lo in a kiang un thu a gen ngai puai; amau ngawn ahi tak ua leh, vang a nungzuite kiang in a hilchian sek hi.

LUKA 24:45

Ziaphatchun, Pathian Lekhathu chu a hiat thiam theina ding un a lungthim uh chu a sukvak piak tai.

JOHAN 6:63

Hinna pia chu thagau ahi’n, taksa chu bangma ahi puai. La kiang ua ka thugente hi thagau ahi’n, hinnale ahi.

NASEPTE 28:23

Ni a tiam tau ah, zia ni chun a tunna In ah mi tam tak a hungkhawm tau ah. Jingkal ah kipat nitâk tiang in zia thu chu a hilchian ah, Pathian gam thu chu gen in, Mosi Dan leh Jawlneite lekhabu thu ah kipat in, Jesu chungchâng ah thuzaw a gua’n.

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.