LUKA 24:27 - PATHIAN LEKHABU THIANGTHO (BSI)

²⁷ Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

LUKA 24:27 ပူးပေါင်းရင်းမြစ်များ

THILSIAM THU 12:3

kuale nang hun maljawl tapo chu maljawl ing ka tin; hânsia hun law tapo chu hânsia law ing ka: nangma ah namtin maljawl in hung um in au,” a tia.

THILSIAM THU 22:18

Ka thu la zop ziak ah hin la suante ah kipat in khawvel chitin maljawlna piak hi’n au,” a ti’n.

THILSIAM THU 26:4

Van ah aksi jat in la suante hi’pung ing ka tin, zia gam zosia hi la suante kiang in hun pia’ng ka; la suan ah chun khawvel nam tinte hung navak intiu in;

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

SAM 132:11

A kihei mangsan lo dingin, Lalpa‘n David kiang in tung tei ding in, sia a la sam ta’n: “La chate lak ah mi khat, la lalchutpha’ chutsak ing ka.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 50:6

Ei vawte ma-âng in ka nungjang ka daw in, ka khamul ah ei mante kiang in, ka ngeibiang le ka daw hi; ei hosia leh a chil ei siatkhumte âng in, ka mai ka sêl puai.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 8:17

Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

ISAI 9:1

Lungdong tak ah umte â ding chun dâna ding um diak pua’n a. Masang lai ah khan, Zebulun leh Naphtali gamte hi musit in a la umsak maleh, tu’nung lam leh vang, tuisuagiat zotna lampi leh namtinte chênkhawmna, Jordan lui gâl leh namtin chênna, Galili gamte hi, hun lûnsak kit ta’n a.

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

EZEKIEL 37:25

La pu leh pateu a la chênnau, ka suak Jakob kiang ah ka piakna gam ah chun chêng intiu in; a kum a khua’n amau leh a tu leh a chateu tiang in chêngden ta’n au; chuleh, ka suak David chu kumtuang in a lal uh hita’n a.

DANIAL 7:13

Jan ah kilâkna ka et zing lai in, van sûmpi lak ah mihing mêlpu pakhat ka vak mu’n. Tuan ah tâng ah mi kiang lam a zuan in, a ma-âng in a pui lût tau a.

MIKAH 5:6

Amau chun Assuria lenggam chu chemjam in vaihawm intiu in, Nimrod lenggam chu chemjam jukdaw sa’n vaihawm khum in au; I gamgiu a hung chot phâk uh leh le, Assuriate ah kipat chun ei hukdok ding a hiu.

MIKAH 7:20

Nidang lai ah kipat ka pu leh pateu kiang ah, la kitiam tâk gual in, Jakob kiang ah la ginumna latsak ah, Abraham kiangah la thutakna, danglam lo dungzui ah chun guitunsak ta’n.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

KISIMNA LEKHABU 21:14

Ziaziakchun, Lalpa Galdona Lekhabu ah chun: “Suphah ah Waheb leh Wadi, Arnon lui tawh

MARKA 4:34

Tekhinthu lo in a kiang un thu a gen ngai puai; amau ngawn ahi tak ua leh, vang a nungzuite kiang in a hilchian sek hi.

LUKA 24:25

Ziaphatchun, ama chun, “Aw mi ngolte haw, jawlneite thugen zosia taksanna lam ah ngongte haw!

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

JOHAN 1:45

Philip chun Nathanael a hawldok ah, a kiang in, “Mosi Dan Lekhabu leh Jawlneite Lekhabu a la kizik, ‘Joseph chapa, Nazareth Jesu’ kiti kha kei un ka mu tau hi,” a vatia.

JOHAN 12:41

Zia thute hi Isai in a lopi dan a mu’n, a kiang ah thu a gen lai ah kha a la zik ahi.

JOHAN 5:37

Ziaziakchun, Pa, ei sawlpa, ama ngei chun ka chanchin a hiatsak ahi. Ama chu bangtik lai inle a aw la hekha puau in, a mêlle la mukha puau hi.

JOHAN 5:39

Pathian Lekhabu sung ah kumtuang hinna um ah la het ziak un, gunchu tak in la sim sek ui; ziate chu keima thasâng ah thu hun hiatsak ahi ngal a.

NASEPTE 10:43

Jawlneite zosia’n a chung thu a la gen uh, ‘Kuale a ging tapo chun a min in gitlo ngaidamna chang ding a hiu,’ ti thu kha,” a tia.

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.

NASEPTE 3:22

Mosi khan, nangmau mite lak ngei ah kipat in, nang uh â ding jawlnei, keima tawhbang pakhat Lalpa la Pathian uh chun hun tungdok intin. Ama’n la kiang ua a gen taphot chu la ngaithâk diu ahi.

NASEPTE 3:24

Chuleh, jawlnei zosia, Samuel ah kipat a nung ah hung um te tawh, thu a la gen kha taphot chun, zia nite hi a la genlawk tau ahi.

NASEPTE 7:37

Zia Mosi khan Israel chate kiang in, nangmau mite lak ngei ah kipat in, Pathian in jawlnei pakhat keima ei tundaw gual in hun tungdok ding ahi, a la ti’n.

NASEPTE 8:35

Ziaphatchun Philip in, zia Lekha thu ah kipat chun Jesu chanchin chu a hun gen ta.

DAN LEKHABU 1:45

Lalpa kiang ah hung kile’kit in kap hial in don maleu chinle, Lalpa‘n la awu chu ngaisak pua’n tin, hun ngaisak diak ta pua’n a.

DAN LEKHABU 18:15

Lalpa la Pathian un la lak ua kipat in keima gual jawlnei khat hun tungdok ding ahi; zia gual ah jawlnei chu a thu la mat ding uh ahi.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.