LUKA 23:5 - PATHIAN LEKHABU THIANGTHO (BSI)

⁵ Himaleh, amau chun, “Galili gam ah kipat in zia mun tiang leh, Judea gam ah khaw tin ah thu hil in, mi zosia a tîlsia sek hi,” ti’n hanaw in a naw tau a.

LUKA 23:5 ပူးပေါင်းရင်းမြစ်များ

SAM 22:16

Uichate’n ei ûm kîmvêl un; thil phalo bawlte’n ei ûm chak ui. Ka khut leh kengte a kilden un;

SAM 57:4

Sakeibaknei, mihing nesekte lak in ka um ah, a hateu chu cheicha leh thalchang ngen ahi’n, a lei uh chu chemjam hiam tak gual ahi.

SAM 69:4

A ziak bei ah ei mudate chu, ka luchang ah ka samzang sâng hinle a tam zaw hial ui; ei hi’mangthai gua, diklo tak ah ei hêk ka mêlmate chu a tam ma mau hi. Ka gûk lo pi chu bang ding ah dit ding ka hem?

MATTHAI 11:1

Jesu chun, a nungzui sawm leh nite kiang ah zia thute a hil zaw phat ah chun, zia mun chu nusia in, a kiang nai tuam khuate chun thugen leh thuhil in a vâk vêl vêl a.

MATTHAI 2:1

Lengpa Herod hun lai ah, Judea gam Beth-lehem khua Jesu a hung pian in, sualam ah mipilte Jerusalem ah a hung un:

MATTHAI 27:24

Pilat in bangma hi’thei a nei ta puai, hung buai zaw deu deu ding ahi ti a het phat in, tui a la, mipite ma ah chun a khut a sawp a, “Zia midik thisan hin ka thiang hi; nang un la law lawu kilaw tau in,” a tia.

MATTHAI 4:23

Jesu’n sunagog ah a kikhopna Inteu ah chun, gam chanchinpha chu hil in, mite lak ah hivei tincheng leh damlona zosia hi’dam in Galili gam zosia a fang suak tai.

MARKA 1:14

Johan suangkul ah a khum nung un, Jesu chu Pathian gam chanchinpha gen in Galili gam in a hung a:

LUKA 11:53

A chia daw phatin, lekhazikte leh Pharisaite chun nasa tak in a hun lang bawl tau a; ama nialna ding thu tam tak a hun ngaitua tau a,

LUKA 23:23

Himaleh, aw ngai tak ah hung kiko kit in, khetden dingin a phût tei tei tau ah; a awu chun a hun thuzaw khawng ta’n;

LUKA 23:6

Pilat in zia chu a het phat in, Galili gam mi ahileh hilo a dong chian a.

JOHAN 1:43

A jing ah chun Jesu chu Galili lam ah chia a gua’n, Philip a mu, a kiang in, “Ei zui in,” a tia.

JOHAN 19:15

Amau haw chu a hung kiko ua, “Hi’mangthai in! Hi’mangthai in! Kros ah khenden in!” a hun tiu a. Pilat chun a kiang un, “La Lengpau hi kros ah khenden ziang ding ka hem?” a ti kit a. Thiampu lalte chun, “Kaisar longal leng dang ka nei puau hi,” a tiu a.

JOHAN 2:11

Zia a thilmak bawl masak pen hi, Galili gam ah Kana khua a bawl ahi; a lopina chu a hi’lang ah, a nungzuite chunle ama a gingcha tau hi.

JOHAN 7:41

Mi khenkhatte chun, “Ziapa hi Messiah chu ahi tak tak hi,” a tiu a. Ahi’n la, a lak ua khenkhatte chun, “Messiah chu Galili gam ah kipat in hung pawt ding a hem, hung pua’n a?

JOHAN 7:52

Amau chun, a kiang in, “Nang le Galili mi la hia hem? Hawl inla, en tiam in, Galili gam ah kipat jawlnei a pawt ngai puai,” a tiu a.

NASEPTE 10:37

Johan in baptisma thu Galili gam ah a gen ah kipat khan, zia thu chu Judea gam zosia’n a kithang suak tai;

NASEPTE 23:10

Kinialna sâng tak mai a hung suak phatin, sepai hotu lian chun Paul chu a puaitel khak ding uh lauthawng in, sepaite chu vachia suk ah, thagum hat ah vakaidok ziang dingin thu a pia, kulpi sung ah um dingin a pui lût tai.

NASEPTE 5:33

Zia thu chu a het phat un, a siat uh a hung so ah, amau chu tha a gua tau a.

NASEPTE 7:54

Zia thilte chu a het phat un, a siat uh a so ta’n, Stephen chu a hau a hun gawikhum tau a.

NASEPTE 7:57

Himaleh, amau chun a bil uh a hûm ua, aw ngai tak ah kiko in, ama chu a hun baw tau a.