LUKA 23:2 - PATHIAN LEKHABU THIANGTHO (BSI)

² Tichun, ama hêkna thu a gen pan tau a: “Zia pa hin, Messiah, Leng ka hi, a ti hen; Lengpa kiang ah sia choi ding a zada hen, ka nam uh a pui siai,” a tiu a.

LUKA 23:2 ပူးပေါင်းရင်းမြစ်များ

1 LENGTE 18:17

Ahab in Elijah a mu phât in a kiang in, “Nang la hi maw Israelte sulungngaipa chu?” ti’n a gen a.

SAM 35:11

Ka siatna ding hawl in hiatpite a ding un; ka thil het ngailote ei dong sek ui.

SAM 62:4

Mi pakhat dinmun sâng tak ah kipat, sotthâk ding bep a ngaituau a. Zuau thu gen a thatnop lam tak uh ahi; a kam un doisakna a piau a, himaleh, a lunggil tak un, hânsia a law sek ui. (Selah)

JEREMIAH 20:10

Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

JEREMIAH 38:4

Ziaphatchun, a milian leh lalte chun, lengpa kiang in, “Zia khawpi sung ah sepaite leh mipite zosia hilungthuai ding ah zia gual thu chu a gen ziakin, zia mipa hi thalup ding ahi. Zia mipa hin, mipite â ding ah thilpha hawl lo in, a siatna ding bep uh a hawl zaw ngâl a,” a ti tau a.

AMOS 7:10

Ziaphatchun, Bethel ah thiampu Amaziah chun, Israelte lengpa Jeroboam kiang in, “Israel Inkuan lak ah a lailung tak ah Amos in nang siatna ding a gûk in a gêl in; a thu gente chu gam in a thuak zo puai.

ZEKARIAH 11:8

Tha khat sung in belam ching pathumte chu ka naw mang ah, amau inle ei ningtel ziak un, amau chan ka ngâk zo puai.

MATTHAI 17:27

ahi’nla, amau haw hi a lungkimna ding un, nang dil ah vachia’n la, ngakuai vakhai in; sanga la mat masak pen chu a kam keu lechin dangka pani a la um in a; zia chu la’n la, kei leh nang â dingin a kiang un pia’n, a tia.

MATTHAI 22:21

Amau chun, Kaisar, a tiu a. Ziaphatchun, a kiang un, “Kaisar thilte chu Kaisar kiang in piau inla, Pathian thilte chu Pathian kiang in pia tau in,” a tia.

MATTHAI 27:11

Jesu chu gam ukpa ma-âng in a ding ah, gam ukpa chun, “Judate Lengpa la hi em?” ti’n a dong a. Jesu chun, “La hi lei ti chu lam,” a tia.

MARKA 12:17

Ziaphatchun, Jesu’n a dawnhu a, “Kaisar thilte chu Kaisar kiang in piau inla, Pathian thilte chu Pathian kiang in piau in,” a tia. Amau chun lamdang a sa ma mau hi.

MARKA 15:2

Pilat chun, “Nang hi Judate Lengpa chu la hi em?” ti’n a dong a. Ama chun, “Ahi lei ti hilo a hem,” a tia.

LUKA 23:14

“Mite a pui siai, ti ah ka kiang ah la hun pui uh kha ahi’n; ngai un, la mau in ka enchian ta hen, la hêkna thuu ah khan zia pa chung ah hin bangma a mawna ka mu puai;

LUKA 23:5

Himaleh, amau chun, “Galili gam ah kipat in zia mun tiang leh, Judea gam ah khaw tin ah thu hil in, mi zosia a tîlsia sek hi,” ti’n hanaw in a naw tau a.

JOHAN 18:29

Pilat chu a lak un a hung pawtdok ah a kiang un, “Zia mi hi bang thu la hêk uh a hem?” a hun tia.

JOHAN 18:30

Amau chun, “Zia mi hi thi tâk hiloleh chu, la kiang in hun pui lo ding ka hiu,” a tiu a.

JOHAN 19:12

Zia kipat chun Pilat in ama a thâdaw theina ding lampi a ngaitua ah; himaleh, Judate chu a hung kiko ua, “Zia pa hi la thâdaw him him chun Kaisar gualpa hilo ding la hi. Leng ah kisiam taphot chu Kaisar dodâl ahi,” a hun tiu a.

NASEPTE 24:13

Tu’ ei hêknau hile a chetna ding nei diak pua’n au.

NASEPTE 24:5

Zia pa hi mi subuai leh lau um tak ahi’n, khawvel pumpi Judate lak ah buaina bawldok vet sek, Nazareth pawl ah a mapui pen a hi ti kichian tak in ka he tau hi.

ROMTE 13:7

Mi zosia kiang in piak ding chu pia mai un; leiman piakna ding ah chun leiman piau inla; Sia piakna ding ah Sia piau inla, kichâk ding chu kichâu inla, ja ding dawl chu ja tau in.