14 “Mite a pui siai, ti ah ka kiang ah la hun pui uh kha ahi’n; ngai un, la mau in ka enchian ta hen, la hêkna thuu ah khan zia pa chung ah hin bangma a mawna ka mu puai;
Tichun, a seppi te’ni leh gambung tin ah vaihawm pawlte chun, lenggam thu ah Danial demna ding a hawl tau a. Himaleh, ama chu mi ginum, sep leh bawl bangkim ah diktat leh thiangtho ahiziak in, a demna ding leh hêkna ding a mu zo puau a.
Chun, vaihawmna chutpha a chut lai in, a ji chun, “Zia midik chung ah khan bangma hi’kin, tu’ni hin ama ziakin ka mang in thil tam tak ka thuak ahi,” ti’n mi a hun vaithâk a.
Pilat in bangma hi’thei a nei ta puai, hung buai zaw deu deu ding ahi ti a het phat in, tui a la, mipite ma ah chun a khut a sawp a, “Zia midik thisan hin ka thiang hi; nang un la law lawu kilaw tau in,” a tia.
“Mawna neilo thisan ka matsak ziak ah hin thil ka hikhial tai,” a tia. Amau chun, “Zia chu kei un bang ding ka tiu em? Nang in la law law kilaw ta’n,” a tiu a.
Sepai zahotu leh a kiang ah Jesu vêng ah umte chun, linlîng leh thil umdante chu a mu phât un a lau ma mau a: “Zia mi hi Pathian Chapa a la hi tak tak hi,” a tiu a.
Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.
Tichun, thiampu lianpen, thiangtho, poikhoi lo, buakna neilo, migilote ah kipat um chuam, vante sâng ah chungnung zaw ah siam, I mamawteu â ding ah hun tawk I nei uh chu a kilawm him ta ahi.