LUKA 22:43 - PATHIAN LEKHABU THIANGTHO (BSI)

⁴³ Zia lai tak ah chun, van ah kipat in vansawlchâk pakhat a kiang in a hung kilâk ah, a hung hi’hat a.

LUKA 22:43 ပူးပေါင်းရင်းမြစ်များ

DANIAL 11:1

Chuleh, kei chu, Media mi Darius, lal kum khatna’n, ama panpi ding leh hi’hât dingin ka vaum tai.

MATTHAI 26:53

Ei panpi ding in ka Pa kiang in don leng, ama chun vansawlchâkte sang guk mun sawm leh ni sâng ah tam zaw le hun sawl thei ahi ti helo la hiu em?

MATTHAI 4:11

Ziazaw chun, diabol chun a nusia ta’n; vansawlchâkte a hung un, a na a hung sep piak tau hi.

MATTHAI 4:6

“Pathian Chapa la hileh chawmtha’n, la chung thu ah hin, ‘A vansawlchakte chu thu pia’n tin, a khut un hun dom intiu in, chutichun, la keng in suang khat chale suikha pua’n la,’ ti zik gual ah khan,” a tia.

LUKA 22:32

himaleh, la ginna a basap lona dingin ka hun pauchap piak hi; la hung kihei kit tak leh la suapite la hun suk-hat ding ahi,” a tia.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

NASEPTE 18:23

Zia tak ah chun hun bangchan a hem a um nung in, a kipan kit ah, Galatia gam leh Phrugia gam zosia a ban ban in a chuan vêl ah, nungzuite zosia chu a tîlhat pek tai.

DAN LEKHABU 3:28

Himaleh, Joshua hi thu pia’n la, tîl hangsan in. Ama hin zia mipite hi pui gâl kâi in, la mu ding gam zosia chu luasak ding ahi ngâl a,” a ti’n.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 1:6

Chuleh, Pathian in zia a chapa masa pen chu khawvel ah a hun sawl lai in, “Pathian vansawlchâkte’n ama chu be tau hen,” a ti kit a.

HEBRAITE 2:17

Ziaziakchun, mihingte gitlo thupha choina a siam theina dingin, Pathian lam ah thiampu lianpen, jangai thei leh ginum a hi’theina dingin thil bangkim ah a suapite gual ah a hung kisiam chu a kul him ahi.