LUKA 21:34 - PATHIAN LEKHABU THIANGTHO (BSI)

³⁴ La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

LUKA 21:34 ပူးပေါင်းရင်းမြစ်များ

THILSIAM THU 19:32

Hung in, I pa hi uain dawn khamsak hitin, suan mang lo ah I siam theina dingin luppi hi ti,” a ti ta.

THILSIAM THU 19:35

Zia jan ah chunle a pau chu uain a dawn khamsak kit tau ah; a naunu chu tho in, a pa kiang ah chun a valum ta’n: a pa chun a valup lam leh a thawdaw kit lam chule a he diak puai.

THILSIAM THU 27:14

Tichun, a chia ah, a vala ta’n, a nu kiang in a hun chawi ah; a nu chun a pa me du gual tak, tui tak in a bawl piak tai.

SAM 35:8

A hetlo kâl un a chung un siatna tung hen. A lênthâng kam un amau awk uh hen la, ke’lut in siatna tuak tau hen.

THUPILTE 21:4

Khawdat sâng, lungthim chapo, mi phalote’n thaumei gual ah a mat uh hi sual ahi.

THUPILTE 23:20

Zudu mite lak in pang kin la, gawlsan ah sahe’ mite lak inle pang diak kin;

THUGENTU 9:12

Kuama’n a chung ah siatna hung tung ding chu a helawk thei paw’ngal a. Sanga lên ah awk gual leh, vacha thâng ah awk gual in, mihingte chung ah le siatna chu a hung tung phut sek hi.

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

HOSEA 4:11

Zu leh zu thak chun a hetthiamnau a lamang hi.

THIAMPUTE LEKHABU 10:9

“Nang leh, la chate a hem inle mipi kikhopna biakbûk sung ah la chia lai un, zu leh khamthei thil him him la dawn lo ding uh ahi; achutiloleh, thi mai ding la hiu: Zia hi la suanteu tiang ah kumtuang dan ah la nei ding uh ahi.

MATTHAI 13:22

Chuleh, hampa lingnei lak ah kekte chu: Thu chu he tangal ah, khawvel lungkhamna leh hausaknate etlâna ziak ah, a hetnau suktâk ah um ah ga theilo te chu a hiu.

MARKA 13:9

Himaleh, nanghaw vang chingthei tak in um un; vaihawmte hun mat sak intiu in, sunagog ah hun vua’n tin uh; keima ziakin vaihawmte leh lengte ma ah, amau hiatsakna dingin pui in um in lau.

MARKA 4:19

himaleh, khawvel ngainatnate, hausak nopnate, thepnate leh thil dang dang ah nopnate a hung lut phat leh ga sua zo lo in a um ta sek ui.

LUKA 10:41

Jesu chun, “Martha, Martha, thil tam tak la ngaitua ah buai la hi;

LUKA 12:40

Zia gual tak ah chun, nang uh le kiging zing in um un; Mihing Chapa chu la ginchâk lo lai tak un hung ding ahi, a tia.

LUKA 17:3

Chingthei ta un, la suapipa’n la chung ah thil a hi’khial chun, zilgai in la; a haisan leh ngaidam ngal in.

LUKA 21:35

Lei chung ah chêngte zosia chung ah hin, thâng ah awk gual in hung tung phut ding ahi ngal a.

LUKA 21:8

Ama chun, “Thepzaw ah la um lona ding un chingthei un. Mi tam tak ka min in hung intiu in, ‘Ama chu ka hi,’ a hun ti ding hun uh a nai tai. Zia gual mite chu zui kiu in.

LUKA 8:14

Chuleh, hampa lingnei lak ah kethate chu zia gual hi a hiu: Thu a het phat ua leh, a chiau a; damsung khawsak lungkhamnate, hausaknate leh nopsaknate’n a hun dêp ah; a ga piting ngai sek puau hi.

1 KORINTH 5:11

Himaleh, kua hitaleh, unau minpu ngal ah, thanghuai chîng mi a hem, huaihap a hem, milim ho a hem, hânsia a hem, zudawn mi leh suammang ahi chun, kivoppi lo dingin ka hil la hiu. Zia gual mi chu tawh nêkle nekhawm kiu in.

1 KORINTH 6:10

guchate, huaihapte, zukhamte, mi vau mangte leh mi suamte chun Pathian gam lua pua’n au.

GALATIA 5:20

milim biakna, dawi mang ah nasepna, huatna, kinakna, thangsiatna, lungnatna, kilanna, umchuamna, gindan chuamna;

DAN LEKHABU 29:19

Tu’ni la kitiamnau thute heta ngâl ah, a lungthim ah, “I lampiteu ah lochal tak in a la chia ta maleu hinle, a pha lam ngen in hung um jel na’n ah,” ti la um uh chun, (la lak ua mipha leh mi phalo kibang tak in la leng un manthai khawlaw mai ding la hiu.)

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

2 PETER 3:10

Himaleh, Lalpa ni chu gucha gual in hung in a; ziaphat chuleh, vante chu git ngai tak ah mangthai in, thilbulte le mei ah haltui hita’n a; lei leh a sung ah thil kibawlte zosia chu kâng tum ta’n a.

2 PETER 3:14

Ziaziakchun, doitakte haw, zia gual thilte chu la kinep ziak un, buak bek lo, gensiat bei leh thamuang tak ah a hun mutheina ding in taimat sua unla;

THUPUAN 3:3

La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.

1 SAMUEL 25:36

Abigail chu Nabal kiang a hung tung kit ah; ama chun lengpa gual ah a In ah luaithe’na thupi tak a siam lai tak ahi’n. Nabal chu zu a dawn kham ziakin, lungthim nuam tak in a la um ah; tichun, jingkal lam ah khawvak masang sia bangma a hil puai.