LUKA 21:22 - PATHIAN LEKHABU THIANGTHO (BSI)

²² Zia ni chu phuba lak ni, thil zosia guitunna ding ah a la kizikte guitun ni hung hita’n a.

LUKA 21:22 ပူးပေါင်းရင်းမြစ်များ

ISAI 34:8

Lalpa‘n phuba a lâk ni ding leh, Zion hukdawna ding ah thukna hun ding a guat ta’ngal a.

ISAI 61:2

Lalpa lungdamna kum thu leh, I Pathian uh phuba lâkna ni vapuangjak ding leh, lusûn zosia vathamuan dingin, ei sawl a;

ISAI 63:4

Ka lungchang in phuba lâkna ni ding chu a gêl ten ah; chuleh, ka tatdawna kum chule a hung tung tai.

JEREMIAH 51:6

La hinna ding chiat uh kingaituau inla, Babulon khua sung ah kipat in jamdok kin un! Lalpa phuba lâk hun a hiziak in, a gitlonau ziakin nanghaw mangthai khawm kiu in; amau bawldan tawh kigûn in a thukna a piai.

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 1:22

Zia hi Lalpa‘n a jawlneite mang ah a thugente kha a guitunna ding ahi:

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

DAN LEKHABU 32:34

Ziate hi a leng in ka kiang ah, ka go bawm ah kikhol khawm ah, kichalbit khum hilo a hiu em?

DAN LEKHABU 32:43

Aw vante haw leh, a mipite leh, pathian zosiate haw ama chu ho tau in! Ama’n a chate thisan phuba la ding leh, a mêlmate chung ah phuba la dingin, ama mudate dit kit in, gam chu a mite â ding ah, sukthiantho kit ding ahi ngâl a”.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.