LUKA 21:10 - PATHIAN LEKHABU THIANGTHO (BSI)

¹⁰ A thugen chu a sunzom pek a: Nam khat chu nam khat do dingin hung kipan intin; lenggam leh lenggamle hung kido in au.

LUKA 21:10 ပူးပေါင်းရင်းမြစ်များ

ISAI 19:2

Aigupta mite do dingin Aiguptate ma ma chokphûl ing ka tin, amau leh amau kido intin uh, a Invêngteu chiat kidopi intin uh, khawpi khat in khawpi dang do intin, lenggam leh lenggam hung kido ta’n au;

ZEKARIAH 14:13

Ziaphat chuleh, Lalpa kiang ah kipat in buaina huaisia tak a lak un hung um intin, mitin in ama nai pen pen chu man intin, kimuda tua chiat intiu in,

MARKA 13:8

Nam chuam leh nam chuam kido intiu in; gam chuam leh gam chuam kido intiu in; mun chuam chuam in lîn kilîng intin; kial hung tung in a. Zia chu nauvei kipatna ahi,” a tia.

LUKA 21:11

Linlîng huaisia takte hung lîng intin, mun chuam chuam ah kialte tung intin, van ah kipat thil lau umte leh tepte’na nasa takte hung um in a.

LUKA 21:9

Helna thute leh gâl thuthangte la hun het tak ua leh, lungkham ziang kiu in; zia thilte chu a hung tung masa ding him ahi; himaleh, a tawpna ding tak tak chu hiziang naipua’n a,” a tia.

NASEPTE 11:28

a lak ua pakhat Agaba kiti chu a hung dingdok a, Thagau hiatsak in khawvel pumpi kial nasa tak hung tung ding ahi ti thu a genlawk a; zia chu Klaudia Kaisar hun lai in a tung tai.

HEBRAITE 12:27

Zia thumal, “Hi’lîng ding ka hi,” a ti hin, thil kilînglote chu a um den theina dingin, a kilîng thei thilsiamte chu chawn mang hi’n a, ti a hiatsak hi.