LUKA 20:7 - PATHIAN LEKHABU THIANGTHO (BSI)

⁷ Ziaziakchun, “Khoi lam ah hung kipan ahi ka hepuau hi,” ti’n a dawnhu tau a.

LUKA 20:7 ပူးပေါင်းရင်းမြစ်များ

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 29:14

ziaziakchun, ngai un, zia mite chung ah hin, thil kidang leh mak tak, thil lamdang tak chu hun bawl nalai ding ka hi; a mi pilteu pilna chu bei ta’n tin, lem hete lem hetna chule, sêlgûk hi zo ta’n a,” ti in.

ISAI 41:28

Himaleh, ka et leh kuama a um ta puau in; a lak un lemguattu khatle a um puau a, ka dot leh le ei dawnhu ding a um ta puau hi.

ISAI 44:18

Amau chun bangma a hepuau ah, hettheina le a nei puau hi; khua a mu theilona ding un a mit uh a sîng un; a het theilona ding un a lungthim uh chule hithim piak a hiu.

ZEKARIAH 11:15

Ziaphatchun, Lalpa‘n ka kiang in: Belampu dukdak lo matchâk chu vala kit tiam in.

ZEKARIAH 11:17

Aw ka belampu dukdak lo, gan-gual jamsan ziangte haw! Chemjam in a khutbân leh a changlam mit sât kha hen la, a khut chu tantha kêi hen la, a changlam mitle thûm den ta hen! a ti tai.

LUKA 20:6

“Mihing ah kipat tileuhin la, mipi hin suang in ei sep intiu in; Johan kha jawlnei hi ngei ah a la het uh ahi ngal a,” a ti tau a.

LUKA 20:8

Ziaphat chun Jesu’n le, “Ahileh, ke’n le kua thuneina zia thilte hi bawl ka hi em ti hun hil diak pua’ng ka,” ti’n a dawnhu tai.

JOHAN 9:39

Jesu’n a kiang in, “Zia khawvel ah hin vaihawm ding ah hung ka hi, mitthûmte chun mitvakna a neina ding uh leh, mitvâkte chu a mit uh a thûmna dingin,” a tia.

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in: