LUKA 20:20 - PATHIAN LEKHABU THIANGTHO (BSI)

²⁰ Tichun, ama chu gam-ukpa vaihawmna thu leh, thuneina hêk ah a um theina dingin, a chânggu zing tau ah; a hêk theina thu he dingin mi pha gual ah kisiam mi a sawl tau hi.

LUKA 20:20 ပူးပေါင်းရင်းမြစ်များ

2 SAMUEL 14:2

Tekoa khua numei pil tak pakhat vako dingin Joab in mi a sawl a. Zia nu kiang ah chun, “Lusûn gual in kisiam in la, lusûnna puan ah kithuam in sathaule kinu’ lo in, hun sawt tak mithi sûn ta gual in kisiam in.

SAM 38:12

Ka hinna hawlte’n ka awkna dingin, thâng a kam un; ka siatna ding hawlte chunle, thu phalo ngen gen in, nitum tum in ka siatna ding, a ngaitua sek ui.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

SAM 81:15

Lalpa hawte chu amau lau in kûn in au; a siatnau chun vang kumtuang dai ding ahi tai.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 20:10

Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

DANIAL 6:4

Tichun, a seppi te’ni leh gambung tin ah vaihawm pawlte chun, lenggam thu ah Danial demna ding a hawl tau a. Himaleh, ama chu mi ginum, sep leh bawl bangkim ah diktat leh thiangtho ahiziak in, a demna ding leh hêkna ding a mu zo puau a.

MATTHAI 27:2

Ama chu kân sa’n a pui ua, gam ukpa Pilat kiang in a pedok tau ahi.

MARKA 3:2

Ama chu a hêktheina ding un sabbath ni’ a hi’dam leh hi’dam lo a la en zing ua.

LUKA 11:54

a paukhialna bang hem ah mat gua’n, a chânggu zing tau hi.

LUKA 20:21

Ziate chun, “Hotupa, thu dik tak ah gen in mi la hil in, kuama khenchuam neilo in dik tak in Pathian thu la hil sek hi, ti ka hiau hi.

LUKA 20:26

Tichun, mipi het ah a thugen khial lâk ding a mu puau ah; a dawnhuna chu mak a sa ma mau a, a thip chil chel tau hi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.