LUKA 20:10 - PATHIAN LEKHABU THIANGTHO (BSI)

¹⁰ A ga lâk hun in a grep ga a chan ding chu la dingin a suakte pakhat a sawl a; himaleh, a huanbawlte chun a la vuau a, khutngawn in a la sawl mang kit tau a.

LUKA 20:10 ပူးပေါင်းရင်းမြစ်များ

1 LENGTE 22:24

Ziaphatchun, Kenaanah chapa Zedekiah chu Mikaiah kiang in a hung to ah, a biang a bet piak ah, a kiang in, “Lalpa thagau chun kei ah kipat chiadok in nang kiangah thugen dingin khoilam a haw em?” a tia.

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

1 KHANGTHU 19:4

tichun, Hanun in David suakte chu a man ah, a khamul uh metnâm piak in, a puanâk chual uh le a tawbak uh huai ham ham ah chetan piak in a sawl mang kit a;

2 KHANGTHU 16:10

Ziaphatchun, Asa chu thiamgau chung in a lungna ma ma ta’n, kol busak in suangkul in a khum tai; a thugen ziak ah a lungnat man ah zia gual ah chu a bawl ahi. Zia hun ah chun Asa in mi dang dangte le a sugenthei ma ma hi.

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

SAM 1:3

Amau chu tui luang zing kiang ah thing kiphu, a hun si’n ah ga sek, a dua vuai ngailo gual chu a hiu hi. A thilbawl tapo un a lamzang pek ui.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 20:2

Ziaphatchun, Pashhur in jawlnei Jeremiah chu jep in, Lalpa In ah Benjamin Kotpi chung lam ah bultukna chun a bultuk tai.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 5:24

A lunggil un, “Lalpa I Pathian uh lau hitiu, ama’n a hun tak in gawtui ei pia’n, chavâng gua leh khâl gawtuite ei pia’i, pawltâk hun ding leh hapta kit dingte ei koi piak ngâl a,” a ti nuam puau hi.

LUKA 13:34

Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

LUKA 20:11

A suakte lak ah pakhat a sawl kit a, ama chule a la vaw kit un, jachak um takin a la bawl ua, khutngawn ma in a sawl kit tau hi.

LUKA 20:9

Mipite kiang in zia tekhinthu hi a gen a: “Mi pakhat in grep huan a bawl ah; a huan chu nasem ah kilaw nuamte khut in a pedok ah, hun sawt tak châm dingin gamla tak in a zin mang tai.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

ROMTE 7:4

Zia gual ah chun, ka suapite haw, nang uh hi Khrista taksa ah chun Dan thi’san ah um la hitau ah; Pathian â ding ah chi suantu I hung hitheina ding un, thina kipat ah thokit ngei chu kichenpi la hitau ahi.