LUKA 2:4 - PATHIAN LEKHABU THIANGTHO (BSI)

⁴ Joseph le David In sung mi suante lak ah mi ahiziak in, Galili gam ah Nazareth khawpi kipat chun, Judea gam ah David khawpi Beth-lehem in a chia a.

LUKA 2:4 ပူးပေါင်းရင်းမြစ်များ

THILSIAM THU 35:19

Rakhel chu a thi ta’n, Ephrath khaw zotna lampi chun a vui tau a. (Ephrath khua chu Beth-lehem ahi.)

THILSIAM THU 48:7

Kei ka hileh chu, Paddan gam ah kipat ka hung lai khan Rakhel chu Kanaan gam lampi, Ephrath khua chu gamla thim tak a hinak lai ziakin ka kiang in a thi ta’n. Zia Ephrath lampi chun ka hun vui malam tai,” a ti’n; (zia Ephrath chu Beth-lehem khua ahi.)

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MATTHAI 1:20

Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.

MATTHAI 2:23

Chun, khua pakhat Nazareth a tiu ah chun a chêng tai: “Ama chu Nazareth mi ti’n au,” ti ah jawlneite kam ah kigen kha a guitunna dingin.

LUKA 2:3

Mi zosia chu min khum dingin amau khua chiat in a chiau a.

LUKA 2:5

A ji hualsa Mari chu nauvop, suak vâng vâng ta chu tawh min khum ding chun a chia tau a.

LUKA 4:16

A seiletna khua Nazareth chu a hung tun phatin, sabbath ni a hi’dan ngai gual in kikhopna In ah a lut a. Lekhabu sim dingin a hung ding a.

JOHAN 1:46

Nathanael chun, “Nazareth khua thilpha a pawt thei ah a hem?” a tia. Philip chun, “Hung inla, hung en in,” a tia.

JOHAN 7:42

Pathian Lekha thu chun, ‘Messiah chu David suan ah kipat hung piang intin, David chênna khawpi Beth-lehem ah hung piang ding ahi,’ ti hilo a hem?” a tiu a.

RUTH 1:19

Tichun, Beth-lehem a tun masang siau a paniu in a chia pek tau a. Beth-lehem a hung tun phat un, amaute ni ziak ah chun khua sung pumpi a kichok ziang ta’n; numeite chun, “Zia hi Naomi kha hilo a hem?” a tiu a.

RUTH 2:4

Zia lai tak ah chun, Beth-lehem khua kipat in Boaz a hung tung ah. A bu-âtte kiang in, “Lalpa‘n hun umpi zing hen,” a hun tia. A mau inle, “Lalpa‘n hun maljawl hen,” ti’n a dawnhuu a.

RUTH 4:11

Ziaphatchun, kul kot bul ah mipi umte leh upa zosia chun, “Kei uh a hiatpite ka hiu; la Insung ah hung lût numei hi Lalpa‘n Israel nam tung dingte ni, Rakhel leh Leah gual in siam ta hen. Nang inle Ephrath ah hin suan leh pâk nei inla, Beth-lehem ah hin min nei tak in um ta’n;

RUTH 4:17

A Invêng numeite chun, “Naomi â dingin chapa pakhat a piang tai,” a tiu ah; a min dingin Obed a sak tau a. Ama chu Jesse pa ahi’n, ama chu David pa ahi.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 16:4

Lalpa thupiak gual in Samuel inle a bawl ah, Beth-lehem a hung tung ah. Khawpi sung ah upate chu lau ah kithing kawm kawm in a kiang in a hung un, “Thamuanna thu ah hung la hi em?” a la tiu a.

1 SAMUEL 17:12

David chu Ephrath ah Beth-lehem khua, Judai gam ah mi Jesse chapa ahi’n. Jesse chun chapa pagiat a nei ah. Saul hun lai ah chun Jesse chu teksia leh thachau lam ahi tai.

1 SAMUEL 17:58

Saul in a kiang ah chun, “Tangval, kua chapa la hi em?” ti’n a dong a. David in, “La suakpa, Beth-lehem mi Jesse chapa ka hi,” ti’n a dawnhu tai.

1 SAMUEL 20:6

La pa’n ei hawl ah ei mu lo phat leh, kum si’n ah a Inkuan ua kithoina pang dingin David in a khawpiu Beth-lehem ah chia ding ka hi, ti’n a don ah ka la chiasak ahi, a la tin la.