LUKA 2:19 - PATHIAN LEKHABU THIANGTHO (BSI)

¹⁹ ahi’n, Mari chun zia thute chu pha tak in a lungthim ah tepte in a ngaitua hi.

LUKA 2:19 ပူးပေါင်းရင်းမြစ်များ

THILSIAM THU 37:11

A u te chun a mitthîp ma ma tau ah; a pa bo chun a thugen chu a lungthim in a vop zing hi.

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

THUPILTE 4:4

ei ziltil in, ka kiang ah: “La lunggil in ka thute hi vop det zing inla; ka thupiakte hi zawm inla, damna’n nei in,” ei ti’n.

DANIAL 7:28

Zia tiang ah chun a thu a tawp tai. Keima Danial vang, ka ngaituana’n ei hi’lau ma ma in, ka mai a hung dâng hial tai; himaleh, zia thu chu ka lungthim in ka vop zing tai.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

LUKA 1:66

A chanchin a la hekha zosia chun pha tak in a tepteu a, “Zia naupang chu bang gual mi a hung hita bep diam?” a tiu a. Tichun, Lalpa khut chu a chung in a um zing hi.

LUKA 2:18

A la hekha taphot chun belam chingte thugen chu lamdang a sa thei ma mau a;

LUKA 2:51

Ziaphatchun, amau chu a zui ah, Nazareth khua a hung tung kit tau ah; a thuu mang tak in a um a; himaleh, a nu chun a thugen zosia chu a tepte zing hi.

1 SAMUEL 21:12

David in zia thu chu pha tak in a tepte ah, Gath khua lengpa Akhish chu a kicha ma ma ziang hi.