LUKA 19:47 - PATHIAN LEKHABU THIANGTHO (BSI)

⁴⁷ Tichun, tempul ah chun nisi’n in thu a hil sek a; himaleh, thiampu lalte, lekhazikte leh mipi lak ah a lawi upateu chun ama tha theina ding a hawl tau a;

LUKA 19:47 ပူးပေါင်းရင်းမြစ်များ

MATTHAI 21:23

Tempul ah thu a gen lai tak in, thiampu lalte leh mipi lak ah upate a hung lut un, bang thuneina nei ah, zia thilte hi bawl la hem? Chuleh, zia thuneina hi kua hun piak a hem? a hung tiu a.

MATTHAI 26:55

Zia hun ah chun Jesu’n mipite kiang in, chemjamte leh khetbûkte chawi in gucha man ding gual in la hung uh ahi maw? Tempul ah nisi’n in thuhil in ka um ah, lei man paw’ngal un.

MARKA 11:18

Zia thu chu thiampu lalte leh lekhazikte chun a het phat un, ama tha theina ding a hawl tau a; mipite chun a thuhil dan chu lamdang a sak ziak un, amau chu a lau tangal un.

MARKA 12:12

Zia thu chu amau demna a gen ahi ti a het phat un, ama chu mat a nuam tau a; himaleh, mipite chu a lau tau a; tichun, ama chu nusia in a chia mang tau hi.

MARKA 14:1

Chiakân kût leh vaithum thawipanglo kût bawlna dingin ni ni a um nalai a. Thiampulalte leh lekhazikte chun, lungthim thiam ah mat ah tha theina ding a hawl tau a;

MARKA 14:49

Tempul ah thu zilsak ah ka um lai khan la lei man puau a; himaleh, Pathian Lekha thu chu a guitung ding him ahi,” a tia.

LUKA 19:48

himaleh, mipite chun a thugen chu a ngai chim theilo ziak un, a bawl ding dan a hethei puau hi.

LUKA 20:19

Lekhazikte leh thiampu lalte chun zia tekhinthu chu amau kawk ah a gen ahi ti a het phat un, a chung ah khut thâk ngal a nuam tau a; himaleh, mipite chu a lau kit tau hi.

JOHAN 10:39

Ziaziakchun, ama chu mat a hun guau a; himaleh, ama chu a khut ua kipat chun a suakcha kit tai.

JOHAN 18:20

Jesu’n a dawnhu a, “Khawvel kiang ah chun langchang tak in thu ka gen ah, sunagog In leh tempul ah Judate umna’n thu ka zilsak sek hi. A gûk in bangma ka gen ngai puai.

JOHAN 7:19

Mosi’n Dan hun pia hilo a hem? Aleh, kuama’n la jawm diak puau hi. Bangatia, keima ei thâ gua la hiu em? a tia.

JOHAN 7:44

A lak ua mi khenkhat chun, ama chu mat tei a nuam un; himaleh, kuama’n a chung in khut a tha ngam puau hi.