LUKA 18:43 - PATHIAN LEKHABU THIANGTHO (BSI)

⁴³ Thakhat in khua a hun muthei ta’n, ama chu a hun zui a; Pathian a chawihoi a; mipi zosia chun zia chu a muu a, Pathian a chawihoi chiat tau hi.

LUKA 18:43 ပူးပေါင်းရင်းမြစ်များ

SAM 107:15

Mihing chate a lainat ziak ah, a thilbawl mak takte ziakin, Lalpa chu pâk tau hen!

SAM 107:8

Mihing chate a lainat ziak ah, a thilbawl maktakte ziakin, Lalpa chu pâk tau hen!

SAM 146:8

Lalpa‘n mitthûmte mit a sukvak piak hi. Khun ngawi ngawite chu Lalpa‘n a domsâng sek in, Lalpa‘n mi dikte chu a hepi hi.

SAM 30:2

Aw Lalpa ka Pathian, lei panpi don in ka hun ko ah, nang in lei hi’dam tai.

ISAI 35:5

Ziaphat chuleh, mitthûmte hung vak ta’n tin, bengngong nakhang chule hung kihong ta’n a;

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 21:14

Tempul ah chun mitthûmte leh kengbaite a hung khawm ua, ama chun a la hi’dam tai.

MATTHAI 9:8

Mipite chun zia thil chu a mu phât un, lamdang a sau ah, mihingte kiang ah zia gual thuneina pepa Pathian chu a chawihoi tau hi.

LUKA 13:17

Zia chu a hun gen phatin a langbawl zosia kha a hung zakcha tau a; mipite chunle zia gual ah thil lopi a bawl chu a mu ziak un, a kipak suak kêi tau hi.

LUKA 19:37

Tichun, Jerusalem khua a hun nai tau a, Oliv Tângpang ah chun a hung suk un, a nungzui mipi zosiate chun, a thil lopi tak tak bawlte ziak ah chun, Pathian chawihoi in aw ngai tak in a kiko tau a:

LUKA 4:39

Ziaphatchun, a kiang in a vading ah, a khawsik chu a vau ah; tichun, khawsik chun a nusia tai. Zia zaw zaw ah chun a hung ding ah, a nau a sep piak tai.

LUKA 5:26

Tichun, a leng un lamdang sakna’n a dim tau a; Pathian a pâk chiat ua, lau tak kawm in: “Tu’ni hin thil lamdang tak I muu ahi” a tiu a.

LUKA 9:43

Mi zosia chun Pathian thilhitheina lopi tak chu lamdang a sa ma ma tau hi. Jesu thilbawl taphot chu maksa tak ah a um lai un, ama’n a nungzuite kiang ah chun:

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

NASEPTE 4:21

A vau lau kit zaw un, a thâdok tau a; mipite ziak ah chun amau gawttheina ding lampi a muthei puau ah, thiltung te ziak ah chun mipi zosia chun, Pathian a pâk tangal un.

GALATIA 1:24

Tichun, keima ziakin Pathian a chawihoi tau ahi.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: