LUKA 18:13 - PATHIAN LEKHABU THIANGTHO (BSI)

¹³ Sedawlpa chu vang gamla tak in a ding ah, van lam le dak ngam lo ah a awm chûm kawm kawm in, ‘Pathian, kei migilo ka hi, ka chung ah jangai in’ a tia.

LUKA 18:13 ပူးပေါင်းရင်းမြစ်များ

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

2 KHANGTHU 33:19

A pauchapna, Pathian in a thildot a dawnhu dan, a gitlona zosia leh a ginum lo dante, a thoimual siamna munte, dawikhuam a bawlte leh a milim siamte leh a kingainiam ma’ a thilbawl zosia chu, thiamgau in a thil tepte’na lekhabu chun a la zik lut suak ta ahi.

2 KHANGTHU 33:23

A pa Manasseh a la kingainiam gual ah umlo in, Amon chu Lalpa âng in a kingainiam nuam pua’n; zia Amon hin vang thil a bawlsual lian zaw deu deu hi.

EZRA 9:6

“Aw ka Pathian, la kiang lam hun nga, dak to dingin ka zak a cha talua’n, ka kiphalam talua ahi; ka khawlonau ka luvûm sâng in a sâng zaw’n, ka bawsiatnau in van a supha hial tai.

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

SAM 106:6

Ka pu leh pateu tawh ka la gilo zo tau in; thil phalo ka la bawl tau in, diklo tak in ka la bawl tau hi.

SAM 119:41

Aw Lalpa, la ngilneina ka kiang hung tung hen la, la hukdamna chule la thu dungzui in hung tung ta hen.

SAM 130:7

Aw Israel, Lalpa ah kinem in! Lalpa kiang ah ngilneina a um ngal in, ama ah chun hukdam theina thahâtna a um hi.

SAM 25:11

Aw Lalpa, la min ziakin ka gitlona ngaidam in, ka gitlona a huaisia ngal a.

SAM 25:7

Ka khangdawng lai gitlonate leh, ka hi’khelnate chu hezing kin la; aw Lalpa, la phatna leh, la ngilneina ziakin ei hezing ta’n!

SAM 40:12

Buaina simsên lo chun ei ûm kîmvêl ah; khua ka muthei lo tiang in, ka khawlonate chun ei chup mang tai; ziate chu ka luchang ah samzang sâng inle a tam zawu hen, ka lung a thuai tai.

SAM 41:4

Ke’n vang, “Aw Lalpa, ei hepi inla, ei damsak ta’n; la chung ah thil ka la hikhial ta ngal a,” ka ti’n.

PAWTDAWNA THU 33:10

Biakbûk kotbul ah sûmpi ding chu mipi zosia’n a mu phât ua leh, amau puanbûk kotbul chiat ah chun dingin, bokkhup in chibai a bûk chiat sek un.

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 6:5

Keima’n, “Ka chung a gikna e! Mûk thianglo ka hi, mûk thianglo lak ah chêng ka hi, a mangthai chu ka hita hi, ka mit in Lengpa, Sepai honte Lalpa chu ka mu ta’ngal in,” ka ti hen.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

DANIAL 9:5

ka gilo zo tau ah, ka la bawl khial zo tau in, nunsia tak ah um in ka la hel zo tau a; la thupiak leh la vaihawmnate ah kipat in ka la pêt mang zo tau hi.

MATTHAI 10:3

Philip leh Bartholomai leh Thoma tawh sedawlpa Matthai tawh, Alphâi chapa Jakob tawh, Thaddai tawh;

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

MATTHAI 9:13

Chutichun chiau inla, ‘Kithoina ka dawi pua’n, jangaina ka dawi hi,’ ti hi a umdan vazil un; midikte hawl ding ah hung ka hipua’n, mi gilote hawl ding ah hung ka hizawi,” a tia.

MARKA 11:25

Chuleh, pauchap ding ah la din tak ua leh, mi ngaidam ding la nei ua leh ngaidam phot un; zia tak chuleh la Pau van ah um chun nang uh hi’khialna le ngaidam ding ahi.

LUKA 17:12

Khua pakhat ah a lutna chun, phâk sawm hial in a la lamtuau a, gamla tak ah kipat in a hung kiko un:

LUKA 22:41

Tichun, ama chu suang ah vak se’phâkna ding tiang ah hin a vachia chuam a, khiangkho in a pauchap ta’n:

LUKA 23:48

Tichun, ama en ah hung khawm mipi zosia chun, thil umdan chu pha tak ah ngaitua zing kawm in, a awm uh chûm kawm kawm in a chia kit tau hi.

LUKA 5:8

Himaleh, Simon Peter in zia chu a mu phât in, Jesu kengbul in a hung bokkhup ah, “Lalpa, ei nusia ta’n, migilo ka hi!” a tia.

NASEPTE 2:37

Zia thute chu a het phat un, a lung uh chu a kisun gual a hung hi ta’n; Peter leh sawlchâk dangte kiang ah chun, “Suapite haw, bangti ding ka hitau em?” a hun tiu a.

ROMTE 5:8

Himaleh, Pathian chun ei hepina chu a latsak ah, migilo I hi’lai ua, Khrista chu I sik un a thi ta ahi.

2 KORINTH 7:11

En tiam un, Pathian doigual ah hi’lungngai ah la umnau chun bang gual ah titakna, kisukthianna, lungnatna, launa, lunglenna, phatchuam ngaina leh gawtnate nangmau ah siam ahi tam! Bangkim in zia thu ah chun la maw puau hi ti la hi’lang tau hi.

1 TIMOTHI 1:15

Khrista Jesu chu migilote hukdam dingin khawvel ah hung ahi, ti hi taksan um leh pom tâk ahi. A lak ua gilo Chungnung pen chu keima ka hi.

HEBRAITE 4:16

Ziaziakchun, hepina chu I chan theina ding uh leh panpi I ngai hun ua panpina chu dong ah, lungsiatna I mutheina ding un, jangaina lalchutpha chu hangsan tak in nai hitiu.

HEBRAITE 8:12

A diklonau chung in jangai ing ka tin, a gitlonau leh bawsiatnau chu hezing ta pua’ng ka,’ a tia”.