LUKA 17:3 - PATHIAN LEKHABU THIANGTHO (BSI)

³ Chingthei ta un, la suapipa’n la chung ah thil a hi’khial chun, zilgai in la; a haisan leh ngaidam ngal in.

LUKA 17:3 ပူးပေါင်းရင်းမြစ်များ

SAM 141:5

Mi dikte chun ei vuau hen la, mi ginumte’n ei zilgai uh hen. Mi gilote sathau ka luchang nu’ in um ki’hen la, ka pauchapna chu thil phalo a bawlteu do-na a hizing ngal a.

PAWTDAWNA THU 34:12

La chiana ding gam ua a la chêngsate haw hi tawh thuthung siam lo dingin chingthei un; chutilochun, la lak ua thâng hung hi kha’n a.

THUPILTE 17:10

Mingol za khat vei vok sâng in, mipil khatvei mai zilgai chule a phachuam zawi.

THUPILTE 27:5

Hepina kisêlgu sâng in, a langchang ah zilgaina chu a pha zawi.

THUPILTE 9:8

Musittu zilgaite chun mudâna a law un, mipil zilgaite chun ngainatna a law ui.

THIAMPUTE LEKHABU 19:17

La lungthim ziang inle la chanau kinaipi la huat lo ding ahi; la Invêngte diklona chu hil tei tei in: Achutiloleh, nang thiamlo chang ding la hi.

MATTHAI 18:21

Peter chu a kiang in a hung a, Aleh, Lalpa, ka suapi’n ka chung ah bang jat vei hi’khial leh ka ngaidam diam? Sagivei tiang in ahi diam? a tia.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

EPHESA 5:15

La hin dan uh chu mingolte gual ah umlo in, mipilte gual in pilvâng tak in um zaw tau in.

DAN LEKHABU 4:15

Horeb tâng ah, meikuang lak ah kipat Lalpa‘n la kiang ua thu a gen lai khan, mêl kichian tak ah bangma la mulo ziak un chingthei zaw diak tau in;

DAN LEKHABU 4:23

Ziaziakchun, Lalpa la Pathian un la kiang ua thuthung a siam la bawsiat khâk lona ding uh leh, Lalpa la Pathian un bangma lim leh a kibatpi him him siam a phal lo haw kha, la hetmil lona ding un chingthei tak in um tau in.

DAN LEKHABU 4:9

La mit ua la muteu chu hemil lo a, la dam sungsiau la lunggil ua la het zing theina ding un, chingthei tak ah kivêng in um phot un; zia thute chu la chateu, la tuteu leh la tusawnteu tiang in hil unla;

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

JAKOB 5:19

Ka suapite haw, la lak ua mi kuale thutak ah kipat pêt mang ta chu, kua a hem in pui kik taleh,

2 JOHAN 1:8

I sepna ziak uh chu mansua lo ah, kipakman kim chu la mutheina ding un kivêng phau in.