LUKA 17:26 - PATHIAN LEKHABU THIANGTHO (BSI)

²⁶ Noah hun lai gual ah khan, Mihing Chapa hung ni phat leh le hung um ding ahi.

LUKA 17:26 ပူးပေါင်းရင်းမြစ်များ

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

THILSIAM THU 6:7

Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

THILSIAM THU 6:8

Himaleh, Noah chun Pathian ja’ngaina a chang hi.

ISAI 22:13

himaleh, zia thasâng ah chun, kipakna, luaithe’na leh nunnopna, bawngchal tha’na, belam tha’na, zu leh sa nêkna’n la mang ui. “Ne leh dawn hitiu, jing leh thi ta ding I hi’ngâl un,” la tiu a.

LUKA 17:22

Chuleh, a nungzuite kiang in, “Mihing Chapa dam lai ni’te hi ni khat bêk la ngai vung vung hun uh hung um intin, ahi’n la, mu ta pua’n lau.

LUKA 17:24

Kawl a hung phiat ah, van nuai langkhat lam ah kipat langkhat lam a hung tun ziang gual hin, Mihing Chapa hung ni leh zia gual chu hung hiding ahi.

LUKA 17:27

Noah kuang ah a lut ah, tui a hung lêt ah, a leng ua a thi’gam niu kha a tun masang sia, a ne’n a dawn ua, ji leh pawsal in a kinei ua.

LUKA 17:7

Chuleh, “La lak ua mi pakhat in la suakteu chu lou kai ding a hem, ganching ding a hem in mang leu chin, a hung tun si’n leh, ‘Hung inla, la an hung kinêk in’ kua a hem a la ti sek ding?

LUKA 18:8

Ka hil la hiu, a kin thei pen in phuba chu lâkpiak in a. Banghileh le, Mihing Chapa a hung kit phat leh lei ah hin mi ginum a hun mu’na diam?” a tia.

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.

2 PETER 2:5

Chuleh, ama ngaisaklote umna khawvel ah khan tui a lêtsak ah, malai khawvel chu a hawi pua’n; ahi’n la, dikna thugenpa Noah kha midang pasagi tawh a hukhing hi.

2 PETER 3:6

Zia lai ah khawvel chu tui in a chûm ah, a mangthai tai, ti hi.