LUKA 17:25 - PATHIAN LEKHABU THIANGTHO (BSI)

²⁵ Himaleh, thil tam tak hun thuak masa phot intin, tu’lai khangthakte doi lo in hung um in a.

LUKA 17:25 ပူးပေါင်းရင်းမြစ်များ

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

MATTHAI 16:21

Zia hun ah kipat chun, Jesu’n a nungzuite kiang in Jerusalem ah a chia ding dan, upate, thiampu liante leh, lekhazikte khut ah haksatna tam tak a thok ding dante, tha ah a um ding dante, a ni thum ni’ kaithaw ah a um kit ding dante chu a hilpan tai.

MATTHAI 21:42

Ziaphatchun, Jesu’n a kiang un, Pathian lekha thu ah: Insate’n a doilo uh suang kha, a kil ah suang poimaw pen chu a la hi: Zia hi Lalpa thilbawl chu ahi’n, I mit muu in a mak ahi, ti ah kizik kha sim kha lo la hiu em? a tia.

MARKA 10:33

“Ngai un, tu’hin Jerusalem ah chia to ding I hiu; Mihing Chapa hi thiampu lalte leh lekhazikte khut ah matsak in um intin, thi dingin a chung thu tan piak in au; ziazaw chuleh, Jentelte khut ah pedok ding a hiu;

MARKA 12:10

Zia gual ah Lekha Thiangtho ah kizik hi a la sim kha lo la hiu em? “Insate’n a doi lo uh suang kha, zia suang ma kha, a kil ah suang phachuam pen a hung hi’n;

MARKA 8:31

Ziaphatchun, “Mihing Chapa hin thil tam tak thuak intin, upate leh thiampu lalte leh, lekhazikte doi lo in um intin; himaleh, ni thum zaw leh tho kit ding ahi,” a tia.

MARKA 9:31

a nungzuite chu thu a hil ah, a kiang un, “Mihing Chapa hi mite khut ah matsak ah um ding ahi’n, hun that intiu in, a ni thum ni leh hung thokit ding ahi,” a tia.

LUKA 18:31

Sawm leh nite chu a pui chuam ah, a kiang un, “Ngai tiam un, Jerusalem lam ah chia to ding I hiu a, jawlneite’n Mihing Chapa chung thu a la genlawk zosiau kha hung guitung ding ahi.

LUKA 18:33

Ama chu jep intiu in, hun that in au; himaleh, a ni thum ni leh hung thokit ding ahi,” a tia.

LUKA 24:46

Ama chun a kiang un, “Zia gual ah hin a la kizik hi, ‘Zia thilte chu Messiah chun thuak intin, a ni thum ni leh thina kipat in thokit ding ahi.

LUKA 9:22

“Mihing Chapa hin haksatna tam tak thuak intin, upate leh thiampu lalte leh lekhazikte doi lo in um intin, that intiu in; himaleh, a nithum ni leh thokit ding ahi,” a tia.

JOHAN 1:11

Ama chu ama mite kiang in a hung ah, ama mite chun a la lop puau hi.

JOHAN 12:38

Jawlnei Isai in a la gen kha a guitunna ding ahi: “Lalpa, keimau thugen kua’n a taksang em? Chuleh, Lalpa bân chu kua kiang ah suklat in a um em?” tia a la gen kha a guitunna dingin.

1 SAMUEL 10:19

Himaleh, tu’ni hin la Pathian uh, la haksatnau leh la buainau zosia lak ah kipat hukdokpa lei dawi puau ah, nanghaw’n a kiang in, ‘Ahipuai, ka chung ua vaihawm ding leng pakhat ei pia’n,’ la tiu in. Zaziakchun, tu’hin la nam leh phung dungzui un Lalpa kiang ah hung kipechiat un a tii,” ti’n a gen a.

1 SAMUEL 8:7

Lalpa‘n zia gual hin Samuel kiang in a hun gen ah, “La kiang ah mipite gen zosia chu ngaitua piak mai in; nang hun doilo ahi puau in, a chung ua lal ka hi’na ei doilo ahi zawu hi.