LUKA 16:25 - PATHIAN LEKHABU THIANGTHO (BSI)

²⁵ Himaleh, Abraham chun, “Ka chapa, nang in la dam lai khan thilpha la chang in, zia gual ma chun Lazar in thil phalo a chan kha hezing ta’n; tu’hin vang ama zia hin lungmuang tak in a um in, nangma thuakgim tak in la um ahi tai.

LUKA 16:25 ပူးပေါင်းရင်းမြစ်များ

JOB LEKHABU 22:18

Chutimaleh, a Inteu chu, thilpha chitin in a sukdim piak hi; himaleh, mi gilote thil guanggal chu, ka ki’dak lam tak ahi.

SAM 17:14

aw Lalpa, la khut in mihingte lak ah kipat ei hukhing in, amau dam sung chanvo chu, zia khawvel ah bep hin a um ngal a. Amau â ding ah la kholpiakte zosia’n, a gilpiu hidim inla, a chateu in a mamaw sâng ua tam zaw nei uh hen la; a chasenteu â ding tiang in, bang a hem khat bêk thi’san uh hen.

SAM 49:11

A min un gamte nei in, a Inteu chu suan zosia tiang ah, um ding gual in gêl maleu, a thân uh chu a kumtuang In ding uh a hung hi tai.

SAM 73:7

Thauna ziakin a mit uh a pawng ah, thilphalo gêlna’n a lungthim uh a dimlêt hi.

KÂ LATE 1:7

Jerusalem in a lungdon tawp khawk ni hin, masang lai ah a vâkvai lai nite kha a hezing hi. A sung ah mipite a gâlteu khut ah a pûklût phat un, amau panpi ding a um ta pua’n; nuaisia ah a umnau chu a mêlmateu in, musit tak ah nuisan in a en zing ui.

DANIAL 5:30

Zia jan ma ma chun, Lengpa Belshazzar chu tha in a um tai.

MATTHAI 27:63

“He pu, zia mithêmpa khan a dam lai khan, ‘Ni thum zaw leh thokit ding ka hi,’ a ti kha ka hezing ui.

MARKA 9:45

Chun, la keng in a hun sukpûk leh tan mai in; keng pani nei ah gawtmun mei mit theilo ah la chia sâng in, keng langkhat bei ah hinna lut chu nang â dingin phazaw’n a.

LUKA 16:20

Chuleh, mi hausapa kotkhakbul in mi pakhat, a min Lazar kiti, a taksa pumpi meima dim a um a.

LUKA 16:23

Mithi khua chun nat genthei tak thuak in a um ta’n; a dakdaw leh, gamla tak ah Abraham ângsung ah Lazar um chu a mu tai.

LUKA 16:26

Zia lo chunle, nanghaw lam ah kipat mite le a hung theilo ua, keimau lam ah kipatle kuama a hung theilona ding un, nanghaw leh keihaw kikâl ah hin lei khikêk thûk tak a um hi,” a tia.

LUKA 6:24

Himaleh, nang uh mi hausate haw, la chung uh a gik hi! La thamuannau chu la mu zo tangal un!

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

DAN LEKHABU 28:17

La sêng leh la vaithum mêknau kuang uh le hânsiadong in um in lau.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

1 THESSALONITE 3:3

Zia sukgentheinate ziak ah hin, kuama a kilîn lona ding un. Ziate hi thuak ding him ka hiu ti nangmau ngei in la he ngal un.

HEBRAITE 11:25

sawt lo sung bep gitlo nopchên limpi sâng in, Pathian mite tawh sukgentheina thok chu a têl zaw tai.

1 JOHAN 2:15

Khawvel leh a sung ah thil umte haw hile thangai diak kiu in. Kua’n le khawvel a thangai chun, Pa hepina chu ama ah chun a um puai.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.