LUKA 16:23 - PATHIAN LEKHABU THIANGTHO (BSI)

²³ Mithi khua chun nat genthei tak thuak in a um ta’n; a dakdaw leh, gamla tak ah Abraham ângsung ah Lazar um chu a mu tai.

LUKA 16:23 ပူးပေါင်းရင်းမြစ်များ

SAM 16:10

Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.

SAM 49:15

Ka hinna vang Pathian in, Sheol thilhitheina lak ah kipat in tandok intin, ama’n ei la lop ding ahi ngal a.

SAM 86:13

Ka chung ah la ngilneina a nasat ziakin, ka hinna Sheol khûkthim pen ah, kipat in la hukhing tai.

SAM 9:17

Pathian hemil nam zosia leh mi nunsiate chun, Sheol lam zuan ta’n au.

THUPILTE 15:24

Hinna lampi chun nuai lam ah Sheol a pêltheina dingin, mipil chu chung lam in a pui to sek hi.

THUPILTE 5:5

Thi’na lam zuan in a chia suk in, a kalsuan chun Sheol lam a zuan hi.

THUPILTE 7:27

A In chu Sheol khua lam zotna ahi’n, thi’na pindan ah lut suk ah chia ahi.

THUPILTE 9:18

Himaleh, zia tak ah chun mithite bep a um ui ti a hepuau in, a mi chialte chu, Sheol thûk tak ah um a hiu ti le a hepuau hi.

ISAI 14:15

Himaleh, Sheol ah paithâk in la um ta’n, lei kawkhûk thûk ah chun la tung tai.

ISAI 14:9

Nuai lam ah Sheol chule, nang hung chu a la dawn dingin a kichokphûl in; mithisate chu nang dawn dingin a chokphûl in, lei ah vaihawmte thagau a hiu; namtin lengte chu a lal chutphau ah kipat in, a kai ding sau sau ui.

MATTHAI 11:23

Aleh, nang Kapernaum, van chan ah choisa’n ding ah kingai la hem? Mithi khua tiang ah nawthâk ah um zaw ding la hi. La sung ah thilmak kibawlte kha Sodom khua a la kibawl hita leh, tuni tiang hinle ala um nalai kha ding uh hiven!

MATTHAI 18:9

Chuleh, la mit in a pûksak chun kheldok inla, paimang ziang in; mit pani nei a gawtmun meidil ah la um sâng in, mit langkhat bei ah hinna la lut chu a pha zawi.

MATTHAI 23:33

Nanghaw gûlte haw, nanghaw gûlsia suante haw! Gawtmun ah thiamlo channa chu bangti’n pumpel ding la hiu em?

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

MATTHAI 5:29

La mit changlam in a hun hi’puk ahileh, kheldok inla, pai mang ziang in; taksa bukim ah gawtmun ah chia sâng in, taksa bâk pakhat manthai chu nang â dingin a pha zawi.

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

LUKA 16:24

A vak ko a, “He pa Abraham, ei lungsiat inla, Lazar kha hun sawl in; ka lei sukdaina dingin a khutzung mûk kha tui in hun diatop hen, zia meikuang hin ei hi’na ma ma ziang hi” a ti’n.

LUKA 16:28

suapi pawsal panga ka nei in, amau haw chu zia natna mun ah hin a hung lona ding un, phatchuamngai tak in vagen tiam hen” a tia.

LUKA 8:28

Jesu a hun mu phât in a kiko ah, a ma-âng in a bokkhup ah, aw ngai tak in, “Jesu, Chungnung pen Pathian Chapa, bang ei law ding ah hung la hem? Ei sawisa lo dingin ka don la hi,” a tia.

1 KORINTH 15:55

“Aw thina, la zawna khoi ah a um tam? Aw thina, la gu chu khoi ah a um tam?” ti thu kizik hi guitung ta’n a.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.