LUKA 16:22 - PATHIAN LEKHABU THIANGTHO (BSI)

²² Mi gentheipa chu a hung thi ta’n, vansawlchâkte’n a pui ua, Abraham ângsung in a koi tau a. Mi hausapa chule a hung thi ta’n, a vui tau hi.

LUKA 16:22 ပူးပေါင်းရင်းမြစ်များ

JOB LEKHABU 21:13

A dam sung niteu neinung tak in a mang tum un, thamuang tak in Sheol lam a zuan sek ui.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

THUGENTU 8:10

Chuleh, migilo a vui uh chu ka mu ta’n; amau chu mun thiangtho ah lût in, a pawt un; khawpi sung ah a thil bawlteu chu a gen pha tawl tawl ui. Zia hile bangmalo mai mai ahi.

ISAI 14:18

Namtin lal zosia lopi tak in, amau thân chiat un a lum tau a;

ISAI 22:16

Zia hi bang kithuneisak ten la hem? Zia tak ah hin chanau bang gual mi la nei ah, tângsâng ah hin la thânkua ding la kikhuak ah, suangpi ah la chênna ding la khuak a hem?

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

MATTHAI 8:11

Ka hil la hiu, sualam leh tumlam ah kipat in mi tam tak hung intiu in, van-gam ah chun Abraham, Isak leh Jakob kiang ah chun an nekhawm intiu in;

MARKA 8:36

Min khawvel hi a pum in nei hen la, a hinna chân taleh, ama â dingin bang a phachuam diam?

LUKA 12:20

Himaleh, Pathian in a kiang in, “Mi ngolpa! Tu’jan ah hin la hinna la ding a hiu. La thil guanggalte chu kua â ding a hita diam?, a ti’n.

LUKA 16:21

Mi hausapa dawkan ah kipat anmal ketha haw chu nêk a nuam sek in; uichate chun a meimate chu a liak piak sek un.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 13:23

zia lai tak ah chun nungzuite lak ah pakhat, Jesu’n a hepi chu a âng in a kinêl a;

JOHAN 21:20

Peter chu a hung kihei leh Jesu’n a hepi nungzuipa kha a hun zui in a mu’n; ama chu a jan an nêk lai ua a kiang ah kinêlcha, “Lalpa, kua a hem a hun matsak ding pen chu?” tia vak dongpa kha ahi.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 2:14

Naupangte chu taksa leh thisan changte ahiziak un, ama ngei inle zia ma chu a hung chang a; thina ziakin thina chung ah thuneipa Diabol chu a sukmanthai theina ding in.

JAKOB 1:11

Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

THUPUAN 14:13

Chun, van ah kipat aw chun, ka kiang in, “Zia hi zik in: Tu’ ah kipat hin mithite, Lalpa ah thite chu a vang uh a phai; ahi, a sepgimnau ah kipat chun chawldam ta ding a hiu; chuleh, a nasepteu chun zui pek in a, ti’n Thagau in a gen hi,” ei tia.