LUKA 16:19 - PATHIAN LEKHABU THIANGTHO (BSI)

¹⁹ Mi hausa kua a hem khat a um ah, puan sandup leh puan malngat in a kithuam sek a, nisi’n nuamsa tak ah ne leh dawn in a um sek hi.

LUKA 16:19 ပူးပေါင်းရင်းမြစ်များ

ESTHER 8:15

Ziaphatchun, Judate â ding ah vakna leh kipakna, limna leh choihoina a um tâk ziakin, Mordekai chu a leng puan lopi, a dum leh a vam ah kisiam sil ah, sana lallukhuk khuk kawm ah, puan malngat sandup maikhûna kithuam in, Lengpa kiang ah kipat in a pawtdok ah, Susa khawpi sung ah chun limna leh kipakna kiko git chu a dul veng vung ziang tai.

THUPILTE 14:24

Mipil lal lukhuk chu a pilna chu ahi’n; mingolte chun a ngolnau pâk khi a awk ui.

THUPILTE 31:22

Ama kithuamna ding puan a kiga in; a sil leh chênte chu, puan malngat leh puan sandup ahi.

ISAI 3:23

a kicheinau, a puan malngatteu, a dialkopteu leh a maikhûnateu zosia lâkpiak ta’ng ka, a tii.

EZEKIEL 16:13

Sana leh dangka’n ka hun thuam ah, la nîk leh puante chule puan malngat, puan mantam leh puanjemte a hiu. La nêk dingin chângbuang nêl pha tak leh khuaizu leh sathau ka hun pia’i. La mêl a hung hoi ta ma ma ah, lengnu ah pang thei hial la hung hi tai.

EZEKIEL 16:49

La suapinu Sodom gitlona chu zia hi ahi: ama leh a chanute a kisathei un, nêk a pap un, a kinoptel un, genthei leh tasamte vang a ngaisak puau hi.

EZEKIEL 27:7

La puanjak chu Aigupta gam ah, puan malngat jem hoi ah kisiam la tepte’na ahi; Elishah luikam ah puan a dum leh, sandupte chu kikhu’na’n la mang hi.

MARKA 15:17

Tichun, puan sandup a silsak ua, linglukhuk a phêk ua, a khuksak un:

MARKA 15:20

Chuleh, tawtbawlna a matzaw phat un, puan sandup chu a lipthau ah, ama puan a silsak kit ua, kros ah khetden dingin a pui tau hi.

LUKA 15:13

Chomkhat zaw in, a chapa neuzaw chun a chan ding zosia lakhawm in, khual gamla tak in a chia ta’n; kinoptel tak in a um ah, a nei zosia chu a sumang zo tai.

LUKA 16:1

Chuleh, Jesu’n a nungzuite kiang in zia gual hin a gen a: Mihausa kua a hem pakhat a um a, a sepkolpa khut in a nei zosia a etkol sak a; zia pa chun a nei leh lam etkolte chu a suchavai mai mai hi, ti ah hêk in a um ta’n.

LUKA 16:18

Kuale a ji nol ah ji dang nei tapo chu ângkawm ahi; chuleh, mi ji nolsa nei chule ângkawm ahi.

LUKA 16:20

Chuleh, mi hausapa kotkhakbul in mi pakhat, a min Lazar kiti, a taksa pumpi meima dim a um a.

THUPUAN 17:4

Zia nu chun puan sandup leh sandâng a sil ah, sana leh suangmantam leh tuikep suang in a kijem ah, sana no, thil ki’dak um leh thanhuaina thilbuak ah dim a chawi a.

THUPUAN 18:16

Ziaphat chuleh, “Ahei! Ahei, khawpi lopi, puan malngat leh puan sandup leh puan sandâng sil ah, sana leh suang mantam leh, tuikep suang a kicheinu chu la chung a gik hi!

THUPUAN 18:7

Ama leh ama a kichawisan leh, a kinoptel dungzui in sukgimna leh, lungngaina’n vuk unla, a lungthim in, ‘Lengnu’n ka kichu, meithâi ka hi pua hen, lungngaina nei pua’ng ka,’ a ti ziakin.

VAIHAWMTE 8:26

A dotdaw sana bilbate gik dan chu sana shekel sâng leh za sagi bûk ahi (ziate bân ah chun sana khî leh chau, Midian lengte puansil sandup leh sangawngsau ngawng awte chule ahi.)