LUKA 16:16 - PATHIAN LEKHABU THIANGTHO (BSI)

¹⁶ Ahi’n, dan thu leh jawlneite thu chu, Johan hung um tiang khan a um a; zia kipat chun Pathian gam chanchinpha genjak in a um ah; ahi’n, mitin in pawngbawl in lut a guau hi.

LUKA 16:16 ပူးပေါင်းရင်းမြစ်များ

MATTHAI 10:7

La chia nau ah chun, “Van-gam chu a nai tai,” ti’n hil jel un.

MATTHAI 15:11

kam ah lutte hin mihing a hi’buak pua’n, kam ah kipat pawt chun mi a hi’buak sek zaw ahi, a tia.

MATTHAI 21:32

Johan kha dikna lampi chu haw in a hung ah, himaleh, ama chu la taksang puau ah; sedawlte leh nawchizuakte’n a taksang ui, nang un vang ama chu muzing napi’nle, la taksan theina ding un la lung uh la hei nuam puau hi, a tia.

MATTHAI 3:2

“La gitlo uh haisan tau in, van-gam chu a nai tai,” ti in.

MATTHAI 4:17

Zia hun ah kipat chun Jesu’n, “La gitlo uh haisan un, van gam chu a nai tai,” ti’n a gen pan tai.

MATTHAI 4:23

Jesu’n sunagog ah a kikhopna Inteu ah chun, gam chanchinpha chu hil in, mite lak ah hivei tincheng leh damlona zosia hi’dam in Galili gam zosia a fang suak tai.

MARKA 1:14

Johan suangkul ah a khum nung un, Jesu chu Pathian gam chanchinpha gen in Galili gam in a hung a:

MARKA 1:45

Himaleh, ama chu a pawt a, zia thu chu kikopi in a gen jak tai; tichun, Jesu chu mi mu in khua’n a lut thei ta pua’n, munthip in a um zaw tai; himaleh, muntin ah kipat in a kiang in a hung khawm tho tho ui.

LUKA 10:11

La khawlai leivui uh ka kengpêk ua bek hile nanghaw demna dingin, la chung un ka hun thinthâk khum la hiu. Ahi’n la, Pathian gam chu la kiang ua hung tung ding ahi tai ti hiau in, ti malam pek un,” a tia.

LUKA 10:9

damlo umte chu sudam unla, a kiang un ‘Pathian gam chu la kiang hung tung ding ahi tai’ tiu in.

LUKA 16:29

Himaleh, Abraham in, Mosi leh jawlneite a um nau hi, amau thu chu a la ngai uh hen a tia.

LUKA 16:31

Ama chun a kiang in, Mosi leh jawlneite thu a ngailo ua leh, mithi lak ah thokit hiziang leule taksang diak pua’n au, ti’n a dawnhu tai, a tia.

LUKA 9:2

Tichun, Pathian gam thu gen ding leh damlote hi’dam dingin a sawldok ta’n;

JOHAN 1:45

Philip chun Nathanael a hawldok ah, a kiang in, “Mosi Dan Lekhabu leh Jawlneite Lekhabu a la kizik, ‘Joseph chapa, Nazareth Jesu’ kiti kha kei un ka mu tau hi,” a vatia.

JOHAN 11:48

Hitia hi I thathawt zing ua leh, ama hi mi zosia’n hun gingcha’n tiu in, zia tak chuleh Rom mite hung intiu in, I mun thiangtho leh I nam uh hi hung susia ding a hiu,” a tiu a.

JOHAN 12:19

Pharisaite chu a kiho ua, “En un, bangma la law theilo uh hi; en tiam un, khawvel ah mite’n a nung a zui tau hi,” a tiu a.

JOHAN 5:4

a châng châng leh zia dil ah chun Lalpa vansawlchâk pakhat a hung sek in, tui chu a hung chok sek a; zia tak chuleh bang natna nei hilehle, zia tui kichawna lak ah chawm lut masa pen pen chu a dam sek ui.)

NASEPTE 3:18

Himaleh, Khrista chun zia thilte chu thuak ngei ding ahi, ti Pathian chun a jawlneite zosia mang in a la hillawk ah, zia gual tak ah chun a guitung ta ahi.