LUKA 15:6 - PATHIAN LEKHABU THIANGTHO (BSI)

⁶ a In a hung tun tak leh, a Invêngte leh a gualte ko khawm in, a kiang un, ei hung kipakpiu in, ka belam matsua kha ka mu kit tai ti ding a hi.

LUKA 15:6 ပူးပေါင်းရင်းမြစ်များ

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

LUKA 1:58

A Invêngte leh a chanaute zosia chun, a chung ah Lalpa‘n jangaina a latsak chu a het un, a kipakpi ma mau a.

LUKA 15:10

Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.

LUKA 15:24

Zia ka chapa hi a thisa hung hing kit, a mangsa kimu kit ahi,” a tia. Tichun, nunnop a hun bawl pan tau a.

LUKA 15:5

A mudaw tak leh, a liangko in hun pua’n tin, kipak ma ma in,

LUKA 15:7

Ka hil la hiu, zia gual ma chun, mipha sawmkua leh kua lungheina nei diaklote chung sâng in, migilo pakhat lungheina chung in van ah mi kipak zaw’n au.

JOHAN 15:14

Ka thupiak tapo la bawl ua leh ka gualte hi’n lau.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

NASEPTE 11:23

Ama tun phatin, Pathian hepi dan chu a mu in a kipak ma ma ah, phatchuamngai tak ah Lalpa tuzing dingin a tîlkho tai;

NASEPTE 15:3

Tichun, kochuamte chun a hung thadok ua, Phoinikia gam leh Samaria gam a hun chuan malam ua, Jentelte lung kihei dan a gen malam pek tau a; unaute zosia chu nasa tak in a kipaksak tau hi.

PHILIPPI 1:4

Nanghaw zosia â ding ah ka pauchapna taphot ah chun, lim tak in ka hun dot piak sek hi.

PHILIPPI 2:17

Ahi, la ginnau thillat chung in Pathian â ding ah butthâk ah um ding hi lengle ka kipak hi, la leng un ka hun kipakpi hi.

PHILIPPI 4:1

Ziaziakchun, ka suapi ka doitak leh ngainat, ka kipakna leh ka lallukhukte haw, Lalpa ah chun ding det tau in, ka doitakte haw.

1 THESSALONITE 2:19

I Lalpau Jesu hung phat leh ka kineppiu a hem, ka kipaknau a hem, ka lallukhuk suan uh a hem chu bang a hem? Nangmau hi hilo la hiu em?

1 PETER 2:10

“Malai khan nam la hi puau ah, tu’hin vang Pathian namte la hitau hi; malai khan jangaina la mu puau ah, tu’hin vang jangaina la mu tau hi”.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.