LUKA 15:5 - PATHIAN LEKHABU THIANGTHO (BSI)

⁵ A mudaw tak leh, a liangko in hun pua’n tin, kipak ma ma in,

LUKA 15:5 ပူးပေါင်းရင်းမြစ်များ

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 62:5

Tangval in nungakthiangtho a kichenpi gual in, la chateu in hun kichenpi intiu in, mo neitu monu chung ah a lungdam ma ma gual in, la Pathian uh la chung un kipak ma ma ta’n a.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

EZEKIEL 18:23

Lalpa Pathian in, “Migilo in a nunchan haisan ah a hin sâng in, migilo chu a gitlona ziakin thi leh kipak zaw dingin lei ngai ua a hem?” a ti’ngal a.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

LUKA 15:32

Zia la nau hi a thisa hing kit ahi’n, a mangsa kimu kit ahi; ziaziakchun, kipak in limna I bawl ding him uh ahi a tia, ti’n a gen tai.

LUKA 15:4

La lak un mi pakhat hin belam za khat nei hen la, a lak un pakhat chu mansua taleh, sawmkua leh kuate chu gamthip ah nusia in, a mang pen chu a mudaw masia vahawl lo ding kua a hem?

LUKA 15:6

a In a hung tun tak leh, a Invêngte leh a gualte ko khawm in, a kiang un, ei hung kipakpiu in, ka belam matsua kha ka mu kit tai ti ding a hi.

LUKA 19:9

Ziaphatchun, Jesu’n a kiang in, “Tu’ni hin zia In ah hin hukdamna a hung tung tai, ama chu Abraham chapa ahi.

LUKA 23:43

Jesu’n a kiang in, “Titakzet in ka hil la hi, tu’ni hin Paradis ah ka kiang ah um ding la hi,” ti’n a dawnhu tai.

JOHAN 15:11

Ka kipakna nangmau ah a um zing ah, nangmau kipakna le sukbutin ah a umtheina dingin, la kiang un zia thute hi ka gen ahi.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

EPHESA 3:7

A thilhitheina nasep ah, a thawn ah piak Pathian hepina dungzui ah chun, zia chanchinpha nasêm ding ah chun suak ka hung hi tai.

1 THESSALONITE 1:5

Ka chanchinpha gen uh kha thu bep in la kiang un a hung tung pua’n, thilhitheina leh Thagau Thiangtho leh hetchianna tak tawh a hung tung zaw ngal a; nang uh â ding ah bang tawhbang mi ka hiu em ti la hiau hi.

2 TIMOTHI 2:26

chutia chu, ama lung lam ahi ding ua, amau sal ah a la manpa diabol thâng ah kipat a suachâk theina ding un.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.