LUKA 15:4 - PATHIAN LEKHABU THIANGTHO (BSI)

⁴ La lak un mi pakhat hin belam za khat nei hen la, a lak un pakhat chu mansua taleh, sawmkua leh kuate chu gamthip ah nusia in, a mang pen chu a mudaw masia vahawl lo ding kua a hem?

LUKA 15:4 ပူးပေါင်းရင်းမြစ်များ

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

JEREMIAH 33:13

Tânggam khawpite, Shephelah, Negeb lam leh Benjamin gam ah te, Jerusalem khaw kîmvêl ah te leh Judai gam khawpite ah chun, gancha hon a simpa khut nuai ah chun gan hon chu kijawt duam duam kit ding a hiu, Lalpa‘n a tii.

JEREMIAH 50:6

Ka mite chu belam mangtasa gual a hiu a; amau puitute chun tânggamte ah chun a pui mang zo tau in; mual leh tângte lak ah chia mang in, a huang uh a hemil zo tau hi.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

EZEKIEL 34:31

Nanghaw ka belamte, ka gantatna mun ah belamte chu la hiu ah; Keima hi la Pathian uh ka hi, Lalpa Pathian in a ti ahi, ti in.

EZEKIEL 34:4

A jawngkhalte som nuam lo in, a damlote la kaitua puau ah, a liamte la tuam puau ah, a vâkmangte la hawl khawm puau ah, a gam mangte hawl nuam lo in a chung un nunsia tak leh huham tak in vai la hawm sek ui.

EZEKIEL 34:8

Lalpa Pathian in kihaksial in thu a gen ah: Belampu a umlo ziak in, ka belamte chu a hingsan ah nêk ding bep ahi tâk ziak un, gamsate an ding bep a hung hitau hi; chuleh, ka belampute’n ka belamte a ching puau ah, zia malak ah chun, ka belamte kinêk in, a vâk puau hi;

MATTHAI 12:11

Ama’n a kiang un, “La lak ua mi pakhat in, belam pakhat bep nei in kawkhûk in ke’lut taleh, kua a hem zia chu kaidok lo ding?

LUKA 13:15

Lalpa chun, “Nang miphalêm, la lak ua hin kuale sabbath ni, bawng a hem, sabiltung a hem a bûk ah um chu vatham ah tui vadawnsak lo ding la um ua a hem?

LUKA 15:3

Ama chun zia tekhinthu hi a gen a:

LUKA 19:10

Mangthaite hawl ah hukdam dingin Mihing Chapa hi hung him ahi,” a tia.

ROMTE 2:1

Ziaziakchun, Aw mihing, bang gual mi hiziang lechinle suanlam ding bangma la nei diak puai: Midang awimaw sek lechinle, nang in midang demsia zing sek in, nang inle zia tawhbang ma chun la bawl kit sek ngal a; ziaziakchun, nang in mi la demsiatna ma ma chun nangmale thiamlo la kichansak ahi.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.