LUKA 15:24 - PATHIAN LEKHABU THIANGTHO (BSI)

²⁴ Zia ka chapa hi a thisa hung hing kit, a mangsa kimu kit ahi,” a tia. Tichun, nunnop a hun bawl pan tau a.

LUKA 15:24 ပူးပေါင်းရင်းမြစ်များ

THILSIAM THU 45:28

Israel chun, “A pha’i! Ka chapa Joseph chu hing dam ah um nalai ahi maw! Ka thi masang in hang mu’ng ka,” a ti tai.

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 66:11

a nawitui chu chêp ah, thamuanna awmtâng ah lungkim tak ah la umtheina ding un; a lopina nasa tak chu chên ah, lungdam tak ah du’tawk ah la chêp theina ding un.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

EZEKIEL 34:4

A jawngkhalte som nuam lo in, a damlote la kaitua puau ah, a liamte la tuam puau ah, a vâkmangte la hawl khawm puau ah, a gam mangte hawl nuam lo in a chung un nunsia tak leh huham tak in vai la hawm sek ui.

MATTHAI 8:22

Jesu chun, “Mithi te chun amau mithi chu a la kivui na’n au; nang in ei zui mai in,” a ti piak hi.

MARKA 8:22

Ziazaw chun, Bethsaida khua a hung tung tau a; zia tak ah chun mitthûm pakhat a kiang in a hun pui ua, a khoi dingin a hung don ua.

LUKA 10:19

Ngai un, gûlte, ainuvette chotden theina leh mêlma chung ah thuneina ka piak la hiu; bangma’n hun hi’liam thei pua’n au.

LUKA 15:23

Chuleh, bawngno thau pen kha hun kai un la that un, kipak tak in nei tiu.

LUKA 15:25

Zia pet ah chun, a chapa upa zaw chu lou ah kuan ahi’n; In kiang a hung tun phatin, La sak git leh lâm thawm a hun he ta’n.

LUKA 15:32

Zia la nau hi a thisa hing kit ahi’n, a mangsa kimu kit ahi; ziaziakchun, kipak in limna I bawl ding him uh ahi a tia, ti’n a gen tai.

LUKA 15:4

La lak un mi pakhat hin belam za khat nei hen la, a lak un pakhat chu mansua taleh, sawmkua leh kuate chu gamthip ah nusia in, a mang pen chu a mudaw masia vahawl lo ding kua a hem?

LUKA 19:10

Mangthaite hawl ah hukdam dingin Mihing Chapa hi hung him ahi,” a tia.

LUKA 9:60

Jesu’n a kiang in, “Mithite chun amau mithi chu a la kivui tau hen; nang vang chia’n la, Pathian gam thu hi vagen jak ta’n,” a tia.

JOHAN 11:25

Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

JOHAN 5:21

Pa chun, mithile kaitho kit ah hinna a piak sek gual in, Chapa hinle a nop nop chu hinna a pethei hi.

ROMTE 11:15

Amau haw pâmpai ah a umnau bawn, khawvel kituak theina a hung hi’chun, amau haw kilop lut kitna chu bang gual bep in thina pat hinna a hung hita bep diam!

ROMTE 12:15

Kipakte chu kipak piu inla, kapte chu kâ piu in.

ROMTE 6:11

Zia gual ma chun, nang hawle gitlo lam thu ah chun a thisa’n kingai un; chuleh, I Lalpau Jesu Khrista jal ah chun, Pathian lam ah hing in kingai un.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

1 KORINTH 12:26

Chutichun, bâk pakhat in a thok chun a leng un a thokpiu in, bâk pakhat chawihoi ahi chun a leng un a kipakpiu hi.

EPHESA 2:1

Nanghaw le, la sukkhial leh gitlonateu ziak ah thi la hi’lai uh khan, a hun hinsak la hiu a;

EPHESA 2:5

I sukkhialnateu ziak ah thi I hi zing lai un, Khrista tawh kigual in ei suhing ta’n, hepina ah hukhin la hitau hi.

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

KOLOSSA 2:13

Chuleh, nanghaw la sukkhialnateu ziak leh taksa zektanlo ziak ah thi la hiu ah, nangmau ngei chu ama tawh a hun suk-hin kit la hi tau hi; I sukkhialnau zosia ei ngaidam ta ahi.

1 TIMOTHI 5:6

Ahi’n la, meithâi ama nopsakna ding bep ah hing chu, a dam lai ngei ah le a thisa ahi.

JUDA 1:12

Ziate hi la hepina ankuangteu sumelsia chu a hiu hi; launa châng helo in a hung kivâkvâ sek ui. Amau chu sûm tui paw lo, hui in a taw lumlet leh thing a ga hun ah ga lo, nivei thisa, a zung ah kikaldokte gual a hiu in,

THUPUAN 3:1

Chun, Sardis khua kochuam vansawlchâk kiang ah chun, zia gual hin zik in: Pathian Thagau pasagi leh aksi pasagi neipa chun, zia thu hi a gen hi: La thil hi’te ka hiai, a thi hingal ah hing min la put hi.