LUKA 15:13 - PATHIAN LEKHABU THIANGTHO (BSI)

¹³ Chomkhat zaw in, a chapa neuzaw chun a chan ding zosia lakhawm in, khual gamla tak in a chia ta’n; kinoptel tak in a um ah, a nei zosia chu a sumang zo tai.

LUKA 15:13 ပူးပေါင်းရင်းမြစ်များ

SAM 73:27

Ahi, nangma hun gamlat tapo chu, mangthai ding a hiu; nang hun kilepsan tapote, tawpna ding la bawl ngal a.

THUPILTE 18:9

Nasep thadâ chu mi gawt mangthaipa suapi ahi.

THUPILTE 21:17

Kinoptelna thangai mi chu chaga’n tin, kuale zu leh sathau ngaina mi chu hausa ngai pua’n a.

THUPILTE 21:20

Mipil In sung ah chun gothil lûl takte chu a um zing hen; mingolte chun vang a ne gam pai sek ui.

THUPILTE 27:8

A In ah um man lo mi chu vacha a bu lenmangsan tawhbang ahi.

THUPILTE 28:7

Dan zawm tapo chu mipil a hiu a, mi lawpchawp gualpha neite chun, a nu leh pa zachatna a tut sek ui.

THUPILTE 29:3

Pilna ngaina cha chun a nu leh a pa a kipak sak in; nawchizuak kipawlpi chun a nei thil a hi’mangthai sek hi.

THUPILTE 6:26

nawchizuaknu chu vaithum tâng khat bep ah muthei ahi hen, jawntatnu chun pawsal hinna lûl tak chu, bangmalo a suaksak sek hi.

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 22:13

himaleh, zia thasâng ah chun, kipakna, luaithe’na leh nunnopna, bawngchal tha’na, belam tha’na, zu leh sa nêkna’n la mang ui. “Ne leh dawn hitiu, jing leh thi ta ding I hi’ngâl un,” la tiu a.

ISAI 30:11

zia lampi chu nusiau inla, lampi chu pet mangsan tau in; Israel Mi Thiangthopa chu ka ngai nuam ta puau hi,” tiu in.

ISAI 56:12

Amau chun, “Hung un, uain dawn hitiu; zukha dawn vâ sêt hitiu. Jing leh tu’ni gual hi’ntin; gen gual lo ah ni lopi hiding ahi,” a tiu hi.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 2:5

Lalpa‘n zia gual hin a gen hi: La pu leh pateu in keima ah demna bang a muu ah, gamla tak ah ei nusia a hiu em? Bang ding ah bangmalo mai mai del ah, amau le bangmalo suak ziang a hiu em?

MIKAH 6:3

Aw ka mitehaw, bang ka hun law ta diam? Bang lam pen in hem ka hun sukgim tâk le? Ei hun dawnhu ma tiam un leh!

LUKA 15:12

a neuzawpa chun a pa kiang in, “He pa, ka gochan ding sia chu ei pia’n,” a tia. Tichun, a nei zosia chu a hawm piak tai.

LUKA 15:14

A sum a mat zaw phatin, zia gam ah chun kial huaisia tak a tung ta’n; nêk ding a hung tasam tai.

LUKA 15:30

Himaleh, zia la chapa, nawchizuakte kiang ah la sum nezopa hi a hung phatin, ama â dingin bawngno thaupen la tha piak in, a tia.

LUKA 16:1

Chuleh, Jesu’n a nungzuite kiang in zia gual hin a gen a: Mihausa kua a hem pakhat a um a, a sepkolpa khut in a nei zosia a etkol sak a; zia pa chun a nei leh lam etkolte chu a suchavai mai mai hi, ti ah hêk in a um ta’n.

LUKA 16:19

Mi hausa kua a hem khat a um ah, puan sandup leh puan malngat in a kithuam sek a, nisi’n nuamsa tak ah ne leh dawn in a um sek hi.

EPHESA 2:13

Tu’hin vang, Khrista Jesu ah chun, nanghaw malai ah gamla tak ah umte chu, Khrista thisan ah chun hi’nai in la hung um tau hi.

EPHESA 2:17

Chun, a hung ah, nanghaw gamla tak ah umte leh naicha umte kiang in le chamna chanchinpha a hung hil a.

2 PETER 2:13

Thil hi’khial ziak ah thil phalo tuak in, a siatnau ah chun mangthai in au. Sûn ah kivakva’n a nopchên ua. La kiang un kivâkna ankuang a bawl un, amau kithepna ankuang ahiziak in a thanghuai in, a buak ui.