LUKA 14:13 - PATHIAN LEKHABU THIANGTHO (BSI)

¹³ Gual la vâk tak leh, mi gentheite, mi piansualte, kengbâite leh mitthûmte chu chial zaw ta’n.

LUKA 14:13 ပူးပေါင်းရင်းမြစ်များ

2 SAMUEL 6:19

Israel mipi zosiate kiang in, a numei a pawsal kidang lo in, mi tin kiang in vaithum tang khat tawh, sa bâk khat tawh grep ho vaithum tâng khat chiat a hawm a. Ziazaw chun, mipite zosia chu a In lam chiat un a chia kit tau hi.

2 KHANGTHU 30:24

Judai gam ah Lengpa Hezekiah in mipi kikhawmte kithoina thillat ding in: bawngchal sang khat tawh, belam sang sagi a pia’n; a khawnbawlte chun mipi kikhawmte â dingin bawngchal sang khat tawh, belam sang sagi a piau hi. Thiampute le tam tawk tak chu a hung kisuthiangtho tau hi.

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

NEHEMIAH 8:12

A kiang ua thu kigente chu a hetchian tâk ziak un mipite chu peljak in, ne leh dawn in, midangte le chanvo thot in, kipakna thupi tak a nei tau hi.

JOB LEKHABU 29:13

Mi beidongte maljawlna ka dong ah, meithâite lunggil ah kipakna La, ka sak sak sek in.

THUPILTE 14:31

Michaga hi’gentheite chun a siampa simmaw ahi’n; tasamte somdawlte chu vang a siampa jabawl a hiu.

THUPILTE 22:9

Mi huangphalte chu malzawl in um in au, a nêk ding lai uh michagate a hop sek ziak un.

ISAI 58:10

gilkial kiang ah an la piak ua, sukgenthei ah umte tâksapna la somdawl ua leh, la vakna chu thim lak ah chun hung kilang ta’n tin, la thimna chule sûnchang lai tak gual in, hung vâk ta’n a.

ISAI 58:7

Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?

MATTHAI 15:30

Mipi tam tak tawh, kengbai, mitthûm, piangsual, pautheilo leh a dang tampi tawh a kiang in a hungkhawm tau a. Jesu kengbul in a hun pui ua; amau chu a la hi’dam a;

MATTHAI 22:10

A suakte chu lamliante ah chun a chiau a, mi a mu jat jat uh chu a hun chial ua, mipha tawh, misia tawh, a hun pui khawm ua; tichun, mo lopna In sung chu mi a hung dim tau hi.

LUKA 11:41

Himaleh, la nei leh lamteu chu migentheite kiang in pia zaw leu chin, nang uh â dingin bangkim a thiang ahi.

LUKA 14:12

Chuleh, a chialpa kiang ah chunle, “Sûn a hem, jan a hem ah gualvâkna la siam tak leh, la gualte, la suapite, la chanaute leh la Invêng ah mihausate chu ko kin; achutiloleh, amau haw chun hun ko thuk kit pai intiu in, din zo kit kha’n au.

LUKA 14:14

Ziate chun ditna ding a nei lo ding ziak un a hampha hiding la hi; midikte thawkit tak leh dit kit ah um ding la hi,” a tia.

LUKA 14:21

Suakpa chun a pu kiang in zia thute chu a vagen a. In neipa chu a lungna ta’n, a suakpa kiang ah chun, ‘Chia kin-gang inla, kotzing leh khawpi sung gawlchiak kâlte’n chia inla, gentheite, piangsualte, mitthûmte leh kengbaite hun pui lût in’ a ti tai.

NASEPTE 9:39

Tichun, Peter le a kipan ah, a zui ngal ah; a tun phatin pindan chungnung lam ah chun a pui to pai tau a. Meithâite zosia chu a kiang ah dingin a la kap un, Dorka chun a dam lai ah amau â ding ah a puanâk leh puan a bawlpiakte chu a la etsak ua.

DAN LEKHABU 14:29

Lalpa la Pathian un la khut nasep zosiau ah a hun maljawl theina dingin, la lak ua chantum nei lo Levite leh la lak ua gam dang mi chêngdente, nauchagate leh meithâite chun a vâ chiat un a hung ne ding uh ahi.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

DAN LEKHABU 16:14

Zia kût ah chun, nangmau leh la chapateu, la chanuteu, la suakteu pawsal leh numeite, la khaw sung ua chêng Levite leh gam dang mite, nauchagate leh meithâite tawh lim tak in la chêng khawm ding uh ahi.

1 TIMOTHI 3:2

Chutichun, kochuam hotulian chu dem kâi lo, ji pakhat nei, kisûm thei, lungthim navak, mi ja’um, mi lop thiam, mi hil thiam;

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

TITA 1:8

mi lopdan thiam, a phalam dawi, ama kithuzaw mi, midik, mithiangtho leh mi kisûmthei;

PHILEMON 1:7

Suapi doitak, la hepina hin kipakna lian tak leh lung muanna nasa tak ka nei hi, nangma ziakin mithiang thote chu suk-hal in a um tau ahi.

HEBRAITE 13:2

Malzin khawtua ding sumsial kiu in; zia gual a bawlnau ah hin khenkhat in a het lo kâl un vansawlchâkte a la zintun kha sek uh ahi.