LUKA 13:34 - PATHIAN LEKHABU THIANGTHO (BSI)

³⁴ Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

LUKA 13:34 ပူးပေါင်းရင်းမြစ်များ

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

SAM 149:2

Israelte chu amau Siampa chung in kipak uh hen la; Zion chate chu a Lal pen chung un kipak tau hen!

SAM 17:8

Mit naucha gual in ei vêngpha’n, la thalîm nuai ah ei sêlgu’n la,

SAM 36:7

La thalîm nuai chu mihing chate zosia’n, a hun bêl theina ding un; aw Pathian, la ngilneina chu, bang gual ah nasa a hita’m!

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

SAM 81:13

Aw, ka mite hin ka thu ngai in, Israelte hin ka lampite a la hawleu chu aw!

SAM 91:4

a tha chun hun khû intin, a thalîm nuai ah chun bit tak in um in la tin; a ginumna chu phawlian leh phawneu ahi ngal a.

ISAI 30:15

Lalpa Pathian, Israel Mithiangtho chun, zia gual hin a gen ngal a: Hung kile’kit in chawldam leu chin, hukdam in um in la tiu in, thip hiat hiat in ei ging leu chin, hatna nei inla; ahi’n la, nang uh la nuam puau hi.

ISAI 50:2

Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 26:23

Aigupta gam ah kipat in Uriah chu a vapuidok un, Lengpa Jehoiakim kiang ah a hun pui tau ah; ama chun chemjam in a satlum ah, a luang chu mipi vantang thanmual in a vui tau hi.

JEREMIAH 35:14

Rekab chapa Jonadab in a suan leh pâkte him him in uain dawn lo ding ti thu a la piak chu a la mang tau ah; a pu bul uh thupiak chu a mat ziak un, tu’ni tiang hinle kuama uain dawn a um nai puau hi. Keima’n gunchu tak in la kiang un thu ka gen zing ah; maleh, ka thu la ngai puau in;

JEREMIAH 35:17

A kiang ua ka thu gen a ngai lo ziak leh, ka kona ei dawnhu nop lo ziak un, Judai gam leh Jerusalem khua chêng zosiate chung ah thil phalo, a chung ua tung ding ah ka la gensa chu a chung un hun tunsak ding ka hi.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

KÂ LATE 1:16

Zia thilte ziak hin ka kap in; ka mitthi tui a luang hi; thamuantu ding leh ei hi’hat ding, a gamlat tâk ziak in; mêlmate’n ei nuaisia tâk ziak un, ka vonchoiteu nutsia in a um zo tau.

KÂ LATE 4:13

A jawlneiteu gitlo ziak leh, a thiamputeu diklona ziakin, midikte thisan chu a khawpi sung ah sua ahi tai.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

JOEL 2:23

Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

ZEKARIAH 1:4

Jawlnei masate’n, “Sepai honte Lalpa chun, ‘La umdan phalo leh, la thil phalo bawlteu chu hun kiheisan un, a tiu a; la pu la pateu in a limsak lo uh leh bangma a la ngaisak lo gual uh khan um kiu in, Lalpa‘n a tii.

MATTHAI 22:3

Ama chun a suakte chu a mi chialte ko khawm dingin a sawl a, himaleh, kuama a hung nuam puau a.

MATTHAI 22:6

A dangte chun a suakte chu a man ua, mualpho tak ah a la bawl in a la that ta mai ui.

LUKA 15:28

Ama chu a lungna ta’n, a lut nuam ta puai; a pa a hung pawt ah, a hung thêm a.

LUKA 19:44

Pathian in a hung kanthâk lai hun la het lo ziak un la huap sung ah la chate, nangma tawh leitual jepna’n hun mang intiu in; la huap sung ah suang kitiang him himle khêk pua’n au,” a tia.

LUKA 23:28

Jesu chu a hung kinunghei ah, “Jerusalem chanute haw, kei ei kâ kiu inla, nangmau leh la chateu â dingin kap zaw tau in.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

NASEPTE 7:59

Stephen chu suang ah a se’lai un, a pauchap ah, “Lalpa Jesu, ka thagau pui ta’n,” ti in.

NASEPTE 8:1

Zia ni chun, Jerusalem ah kochuamte chung in sukgentheina nasa tak a hung kipan ta’n, apostolte tilo ngal chu a leng un Judea leh Samaria gam pâmlam te tiang ah naw jak in a um tau a.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.

DAN LEKHABU 5:29

Zia gual lungthim chu pu zing hita maleu chu ei lau zing intiu in, ka thupiak zosia chule zawm intiu in; tichun, amau leh a chateu â dingin kumkhua’n pha’n tin, lamzang ding hi ve un aw!

THUPUAN 11:8

A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.

RUTH 2:12

La nasep ga chu Lalpa‘n hun dit hen la, a thalîm nuai la hun bêl Israel Pathian chun kipak man bukim hun pia ta hen,” a tia.