LUKA 13:14 - PATHIAN LEKHABU THIANGTHO (BSI)

¹⁴ Himaleh, sunagog ah hotu chun, Jesu’n sabbath ni mi a sukdam ziak ah chun, lungna tak in mipi lak in thu a hun gen a, “Mite hin nasepna dingin ni guk sung hun I nei ui; sabbath ni khel khel ah hung lo in, zia hun sung ah chun hung un la hung kihi’dam un,” a tia.

LUKA 13:14 ပူးပေါင်းရင်းမြစ်များ

PAWTDAWNA THU 20:9

Ni guk sung in nasêm in la tin, la sep ding zosia chu la sepzaw ding ahi.

PAWTDAWNA THU 23:12

Ni guk sung na sêm in la tiu in, a nisagi ni leh la kichawl dam diu ahi; tichun, la bawngchal leh la sabiltung un kicholdamna a muu ah, la In ah piang la suakte leh gam dang mi la lak ua chêngte le a kichawldam theina ding un.

EZEKIEL 20:12

Zia banah chun, amau hithiangthopa chu keima Lalpa hi ka hi ti a hettheina ding un, keima tawh amau kikâl ah tepte’na dingin, a kiang un ka sabbath nite chu ka pia’i.

EZEKIEL 34:21

Gamtin ah a vâkjak masiau la liangko un la phuu ah, a damlote la tongbûk un la suk ziak un,

THIAMPUTE LEKHABU 23:3

Ni guk sung in la sep ding cheng uh zo thiang unla, a ni sagi ni chu sabbath ni, khawmpi thiangtho chu ahi; zia ni hin na la sep lo ding uh ahi: La chênna zosiau ah, Lalpa â ding ah sabbath ni chu ahi.

MATTHAI 12:2

Pharisaite’n a hun mu phât un, Jesu kiang in, “En in, la nungzuite’n sabbath ni’n dan lo gual tak in thil a bawl ui,” a vatiu a.

MARKA 5:22

Sunagog ah hotu pakhat, a min Jaira chu a hung a, Jesu a mu phât in a kengbul ah a bokkhup a:

LUKA 6:11

Himaleh, amau chu a lungna tau a, “Jesu chu bang law ding I hiu em?” ti’n a kihokhawm tau hi.

LUKA 6:7

Tichun, lekhazikte leh Pharisaite chun sabbath ni a sukdam leh sukdam lo a la entha zing in, ama hêkna ding a chânggu zing un.

LUKA 8:41

zia tak ah chun mi pakhat, a min Jaira a tiu, sunagog hotupa chu a hung a. Jesu kengbul in a hung bok khup ah, a In ah hung dingin a don a;

NASEPTE 13:15

Dan thu leh jawlneite lekha thu haw a hun sim zaw phat un, Sunagog hotute chun a kiang un, “Suapite haw, mipi tîlhatna ding thu la nei ua leh hun gen tau inla,” a hun tiu a.

NASEPTE 18:17

Ziaphatchun, mipite chun sunagog hotu Sosthen chu a man un, vaihawmna In mai tak ah chun a vuau a. Himaleh, Gallio chun zia haw chu bangmacha’n a ngai piak puai.

NASEPTE 18:8

Sunagog ah vaihawmpa Krispa chun a chanaute zosia tawh Lalpa a ging tau a; Korinth khua mi tam tak Paul thugen hete chun le a ginchak tâk ziak un, baptisma a chang tau a.

ROMTE 10:2

Pathian â ding ah phatchuam ngaina chu a nei ui ti vang ka hia’i; himaleh, hetna dungzui in vang ahi puai.

DAN LEKHABU 5:13

Ni guk sung in la sep ding zosiau sêm zo un.