LUKA 12:56 - PATHIAN LEKHABU THIANGTHO (BSI)

⁵⁶ Nanghaw miphalêmte haw! Khua leh van umdante hawle la hethiam ui; bangtidan ah hun umdante hi hethei lo la hiu em?” a tia.

LUKA 12:56 ပူးပေါင်းရင်းမြစ်များ

1 KHANGTHU 12:32

Issakhar phung ah mi, hunbî hethiam leh, Israelte’n bang a bawl ua pha a hem ti hethei mi ngen, hausa za ni leh amau thuzawsa ngen a chanauteu zosiau tawh a hiu.

HAGGAI 2:7

nam zosia hun chok lîng ing ka, tichun, nam zosia go thilte hun lakhawm ing ka tin, zia In hi hausakna’n hung dim ta’n ah, sepai honte Lalpa chun a tii.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

MATTHAI 16:3

Chuleh, jingkal lam ah kawl a hung san ah, a hung thim leh, van san a suak in a hung thim hi, khua sia ding ahi, la ti kit sek ui. Aw nanghaw, mi phalêmte haw, van ah kipat in khua umdan ding la helawk thei ngal un; ahiziakin zia hun teptênate hi la hethei puau hi.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.