LUKA 12:4 - PATHIAN LEKHABU THIANGTHO (BSI)

⁴ Gualte haw, ka hil la hiu, taksa that ah, zia nung ah chu bangma law thei talo chu lau kiu inla;

LUKA 12:4 ပူးပေါင်းရင်းမြစ်များ

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

SOLOMON LÂ 5:16

A tongkam chu a thum pen ah, a ngaikâi suak kêi hi. Zia chu ka lawmpa leh, ka gualpha chu ahi; aw Jerusalem ah chanute haw.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

JEREMIAH 1:17

Nang vang, la kawng gâk in kisa zo in tho inla; la kiang ah ka thupiak zosia kha a kiang un vagen in. Amau chu ki’cha kin la, achutiloleh, a ma-âng un hun sudawilok ding ka hi.

JEREMIAH 1:8

Amau chu lau kin, nang hun hukdok dingin, la kiang ah ka um zing ngal a, Lalpa‘n a tii,” ti in.

JEREMIAH 41:18

Kaldaite a lau ziak un; Nethaniah chapa Ishmael chun, Ahikam chapa Gedaliah chu a la that ta’ngal a; ama chu Babulon lengpa’n a gam pumpi chung ah vaihawm ding ah a la pansak ziak ahi.

EZEKIEL 2:6

Aw mihing, nang in vang amau chu lau kin la, khaugui lingnei leh ling in a ûm kîmvêl leh, ainuvette lak ah chêng hiziang malehchin le, a thugen uh le lau diak kin; mi helmangte a hiziak un, a thugen uh lau kin la, a mêl putdan uh le huphul diak kin.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

JOHAN 15:13

Min a gual a pâi â ding ah a hinna a piak sâng ah hepina lian zaw kuama’n a nei puai.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

NASEPTE 4:13

Peter leh Johan hânsan dan chu a muu in, amau la lekha helo a hiu ti a het phat un, lamdang a sa ma mau a; Jesu tawh kithua sek ahi ngei ui ti a he tau a.

PHILIPPI 1:28

Bang lam lam inle la mêlmateu suklau in um kiu in; zia chu amau manthai ding kihetchianna chu ahi; himaleh, nang uh chu Pathian ah kipan ngei ah hukdamna mu la hitau hi.

JAKOB 2:23

“Abraham in Pathian a ging ah, zia chu ama â dingin dikna ah ngai ahi,” ti Pathian Lekhathu chu sukbukim ahi tai; tichun, ama chu Pathian gualpa sak in a um tai.

1 PETER 3:14

Ahi’n la, dikna ziak ah la thok ua leh a hampha la hiu. Amau chu kicha kiu inla, lauthawng diak kiu in,

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.