LUKA 12:32 - PATHIAN LEKHABU THIANGTHO (BSI)

³² Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

LUKA 12:32 ပူးပေါင်းရင်းမြစ်များ

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

MATTHAI 14:27

Ziaphatchun, Jesu’n a kiang un, lungmuang tak in um un; keima ka hi, lau kiu in; a vak tingal tai.

MATTHAI 20:16

Tichun, a nunungle hung masa’n tin, a masale hung nunung in au, a tia.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

LUKA 10:21

Zia lai tak ah chun, Jesu chu Thagau Thiangtho in a hung kipak ma ma ta’n: “Aw he pa, lei leh van Lalpa, zia thilte hi mipilte leh mithiamte lak ah la îm ah, nausente kiang ah la puandaw ziak hin, la chung in ka kipak hi; ahi ngût hi, He pa, namgma mit mu ah ziate chu hi’ding ah kilawm leh pha lasak him ahi.

JOHAN 18:36

Jesu’n a dawnhu a, “Ka lenggam chu zia khawvel hi ahi puai. Ka lenggam chu zia khawvel hi hileh vang, ka sepaite’n hun do intiu in, zia Judate ei piak daw thei ding hin um pua’ng ka. Ka lenggam chu zia tak hi ahi puai,” a tia.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 20:29

Ka pawt daw nung tak leh ngei hangsante la lak un hung lut intin, belam honte hi hun hawi puan ah ti ka hia’i.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

1 KORINTH 1:21

Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.

PHILIPPI 2:13

A lung lam sêm ding ah sepnopna hun pepa chu Pathian ahi ngal a.

2 THESSALONITE 1:11

chutia, suklopi leh lamdang sak a hi’theina ding ah I Pathian in nangmaule ko tâk him a hunsak theina ding leh, phat nopna zosia leh ginna nasepna zosia ah thilhitheina a hun lawtinsak theina dingin, ka hun pauchap piak zing sek uh ahi.

2 THESSALONITE 1:5

Ziate chu Pathian gam â ding ah guat tâk la hi’theina ding ua, Pathian vaihawm dikna tepte’na kichian tak ahi, ziate ziak ah chu thuak la hiu.

HEBRAITE 12:28

Ziaziakchun, lenggam suklîng theilo chu chang I hi tâk ziak un, kipak thu gen hitiu; tichun, ja tak leh lau kawm in, Pathian ei pom tâk ding ah biakna chu nei thei bep ding I hingal un;

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 22:5

Jan um ta pua’n tin; thaumei vâk leh nisa vâk le ngai ta pua’n tin; Lalpa Pathian in amau chu salvâk ta’n tin; kumtuang in vaihawm ta’n au.