LUKA 12:21 - PATHIAN LEKHABU THIANGTHO (BSI)

²¹ Mi ama â ding bep ah go khol khawm ah, Pathian lam ah hausa lo chu, zia gual chu hiding a hiu,” a tia.

LUKA 12:21 ပူးပေါင်းရင်းမြစ်များ

THUPILTE 13:7

Khenkhat bangma neilo ah kihausatsak a um un; neinung ma ma ngal ah kichagatsak a um kit ui.

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

HABAKKUK 2:9

“Thil phalo in a sukkhak lo ding ah bû sâng tak ah sia ah, a In sung â ding ah lawkna diklo, lakhawmte chung chu a gik hi!”

LUKA 12:33

La thil neiteu chu zuak un la, gentheite kiang in piau in; Paisa dip lui theilo chu kingaituau inla, guchate’n le a nai theilonau, a nget inle a nêk siat theilona van ah chun khol khawm zaw tau in.

LUKA 16:11

Zia lei chung sum leh pâi chung ah bawn la ginumlo ua leh, kua a hem sum tak tak hun vopsak ding?

LUKA 6:24

Himaleh, nang uh mi hausate haw, la chung uh a gik hi! La thamuannau chu la mu zo tangal un!

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

1 TIMOTHI 6:9

Himaleh, hausak nuamte chu thepna’n a lut sek un, thil ngolhuai leh a hi’sethei nopnate thâng in a awk un, ziate chun siatna leh manthâina’n mite a tum lutsak sek ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.