LUKA 12:20 - PATHIAN LEKHABU THIANGTHO (BSI)

²⁰ Himaleh, Pathian in a kiang in, “Mi ngolpa! Tu’jan ah hin la hinna la ding a hiu. La thil guanggalte chu kua â ding a hita diam?, a ti’n.

LUKA 12:20 ပူးပေါင်းရင်းမြစ်များ

ESTHER 5:11

Haman in a nei leh lam nasat dan, chapa a hau dan, lengpa’n midangte sâng ah a choisa’n dan leh, a ja dante leh lengpa milian leh lalte zosia chung ah a koisân dante chu a gen a.

JOB LEKHABU 27:8

Pathian ngaisak lote chu, Pathian in a paithâk ah; a hinnau a lâkpiak phat leh, a kinepnau chu bang suak ta ding a hem?

SAM 39:6

Mi tin hi lîm gual bep a hiu. A buai thawn mai mai ui! Kua’n hun lua ding a hem ti helo in, go a khol khawm sek ui.

SAM 49:10

Mipil I vak et leh a thi tho un; mingol leh mimawlte le a thi gêl ui, a hausaknau mi dangte â dingin a nusiau hi.

SAM 73:19

Bangtidan a hem mitphet kâl sung bep ah, huaisia tak ah hi’châkvai ah a um ziang tâk uh hi!

SAM 78:30

A duchâknau a kiduadok ah, a nêk lai ua a val tum mau in,

THUPILTE 10:2

Nunsia tak ah go khol khawm chu lawkna a um pua’n, dikna’n ahileh vang thi’na kipat in a hukdok sek hi.

THUPILTE 11:4

Lungnatna ni ah chun nei leh lam in, phatchuamna nei pua’n tin; ahi’n, dikna chun vang, thi’na kipat in hukdok in a.

THUPILTE 13:7

Khenkhat bangma neilo ah kihausatsak a um un; neinung ma ma ngal ah kichagatsak a um kit ui.

THUPILTE 27:1

Jing ah thil hung tung dingte chu kisaktheipi kin; zia ni chun bang hun puak ding a hem ti la he paw’ngal a.

THUPILTE 28:8

Sumpung lakhawm ah hausa taphot chu, migenthei khawtuate â ding ah lak khawm piak a hiu.

ISAI 56:12

Amau chun, “Hung un, uain dawn hitiu; zukha dawn vâ sêt hitiu. Jing leh tu’ni gual hi’ntin; gen gual lo ah ni lopi hiding ahi,” a tiu hi.

JEREMIAH 17:11

Diklo tak ah hausakna kholkhawmte chu, vavêng ama tui hilo opkeu gual a hiu ah; a khangdawng lai un ama chu nusia intiu in, a tawp phat leh a ngolnau kilang ta’n a.

AMOS 6:13

Nanghaw, Lo-debar limpi ah, “Eimau hatna ziak ah ei uh â ding ah, Karnaim kilâk hilo I hiu em?” la tiu hi.

NAHUM 1:10

Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

LUKA 11:40

Nanghaw mingolte haw, a paw lam siampa chun a sunglam le a siam tho tho pua a hem?

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

1 TIMOTHI 6:7

khawvel ah hin bangma I lûtpi puau ah, bangma I pawtpi diak pawngal un;

JAKOB 4:14

Jing leh bang a hung um diam ti la hepuau hi. La hinnau chu bang a hem? Sûmpi chomcha hung kilang ah mang kit ziang gual mai la hiu hi.