LUKA 12:19 - PATHIAN LEKHABU THIANGTHO (BSI)

¹⁹ zia tak chuleh ka thagau kiang in, ka thagau, kum tam tak â dingin la kholdok tai, tun vang chawldam ta’n; ne’n la, dawn inla, nuam tak in um ta’n, ti’ng ka” a ti tai.

LUKA 12:19 ပူးပေါင်းရင်းမြစ်များ

JOB LEKHABU 14:1

Numei sung ah kipat piang mihing hi, ni chomcha leh buaina dim,

SAM 49:18

A damsung un nuamsa’n kingai maleu, min ama â ding ah thilpha a bawl leh, hun pakcha sek maleu,

SAM 62:10

Thagum ah mi lâkpiak hi kimuanpi kin la, misuam hile kisuanpi diak kin; hausakna a hung pun inle, a chung in la lungthim nga diak kin.

THUPILTE 10:2

Nunsia tak ah go khol khawm chu lawkna a um pua’n, dikna’n ahileh vang thi’na kipat in a hukdok sek hi.

THUPILTE 14:24

Mipil lal lukhuk chu a pilna chu ahi’n; mingolte chun a ngolnau pâk khi a awk ui.

THUPILTE 18:11

Mi hausate nei leh lam chu a khawpi det uh ahi hen; amau lunggêl dan ah chun a kulbâng sâng tak gual ahi.

THUPILTE 23:5

Hausaknate chu vak mu vuat le chinle a bei kawm ngal a, tha a hun nei un, muvânlâi van lam ah leng mang ziang tawhbang chu ahi ngal a.

THUPILTE 27:1

Jing ah thil hung tung dingte chu kisaktheipi kin; zia ni chun bang hun puak ding a hem ti la he paw’ngal a.

THUGENTU 11:9

Aw khanglai, la khangdawng lai nikhua hin lim inla, la lên lai ni hin la lungthim chu hilim in. La lungthim doidan leh la mit mu nopdan ah chun chia in; ahi’n, zia haw zosia ah hin, Pathian in vaihawmna hun pui lût ding ahi ti hezing in.

THUGENTU 2:24

Mihing â dingin ne leh dawn ah um ah, a sep gimnau ah kipakna a mu khêl ua thil phazaw a um puai. Zia hile Pathian khut ah kipat bep ahi ti chu ka mu ta’n;

ISAI 22:13

himaleh, zia thasâng ah chun, kipakna, luaithe’na leh nunnopna, bawngchal tha’na, belam tha’na, zu leh sa nêkna’n la mang ui. “Ne leh dawn hitiu, jing leh thi ta ding I hi’ngâl un,” la tiu a.

ISAI 5:11

E he, nang uh zudawn ding ah jingkal matak ah tho ah, nitâk jan sawtpi pi zudawnna chêngthuak den sekte;

ISAI 5:8

E hei! Gam pumpi midang â ding, neuchale awt lo ah In a bân ah samat ziang ah; lou a bân ah chawkbe ah, gam lailung ah cholchên la chung a gik hi!

ISAI 56:12

Amau chun, “Hung un, uain dawn hitiu; zukha dawn vâ sêt hitiu. Jing leh tu’ni gual hi’ntin; gen gual lo ah ni lopi hiding ahi,” a tiu hi.

HOSEA 12:8

Ephraim in vang, “A he, ka hausa tai, hausakna ka kimudaw tai; ka chan zosia ah hin keima ah, gitlona ding sukkhialna mu in a um puai,” a ti hen.

AMOS 6:13

Nanghaw, Lo-debar limpi ah, “Eimau hatna ziak ah ei uh â ding ah, Karnaim kilâk hilo I hiu em?” la tiu hi.

HABAKKUK 1:16

Ziaziakchun, a lên ah chun kithoina a lân in, a lênkhang ah chun gimtui a hâl hi; amau ziak ah a chanvo hung lian ah, nêk ding tui tak leh tam tak lakhawm a hiziak un.

LUKA 12:18

Zia gual hin a ngaitua ta’n, ka bu In hi phetha’ng ka tin, a lianzaw’n sa’ng ka tin; zia tak ah chun ka bu leh bâl leh ka thilte chu koikhawm ing ka tin;

LUKA 16:19

Mi hausa kua a hem khat a um ah, puan sandup leh puan malngat in a kithuam sek a, nisi’n nuamsa tak ah ne leh dawn in a um sek hi.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

1 KORINTH 15:32

Mihingte kinepna mai mai a la hileh, Ephesa ah gamsa hângte tawh ka kisual uh khan, bang phatchuamna ka mu diam? Mithite kaithaw kit lo ding a hiu chun: “Ne leh dawn in um hitiu, jing leh thi ta ding I hiu”.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

1 TIMOTHI 5:6

Ahi’n la, meithâi ama nopsakna ding bep ah hing chu, a dam lai ngei ah le a thisa ahi.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

2 TIMOTHI 3:4

juauhatte, thunung ngaitualote, kimisakte, Pathian hepi sâng ah ama kinoptelna ngaina zaw te;

JAKOB 5:5

Lei chung ah buting leh nopsa tak in la khawsau in; gan la tha niu ah chun la lungthim uh la hilim ui.

1 PETER 4:3

Jentelte doigual hinna: Hûkna, taksa nopna, zukhamna, zumun limna leh ki’dak um tak ah milim honate, tu’ma lam ah te kha hun ta hen.

THUPUAN 18:7

Ama leh ama a kichawisan leh, a kinoptel dungzui in sukgimna leh, lungngaina’n vuk unla, a lungthim in, ‘Lengnu’n ka kichu, meithâi ka hi pua hen, lungngaina nei pua’ng ka,’ a ti ziakin.

1 SAMUEL 30:16

A pui tung phatin, Philistin gam leh Judai gam ah a gâllâkteu ziak ah kipakna siam in, ne leh dawn ah lâm in a la um thâng gei gui ziang tau a.