LUKA 11:9 - PATHIAN LEKHABU THIANGTHO (BSI)

⁹ Chutichun, ka hil la hiu, Don un, piak hi’n lau; hawl un, mu’n lau; kiu un, kot chu hon piak hi’n lau.

LUKA 11:9 ပူးပေါင်းရင်းမြစ်များ

SAM 118:5

Ka lungdonna kipat in Lalpa ka ko in; Lalpa‘n ei dawnhu ah, mun awngthawl tak in ei umsak tai.

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

SAM 27:8

Ka lunggil in, “Hung inla ka mêl hung hawl in!” a ti’n. “Lalpa, la mêl ahi ka hawl,” ka ti’n.

SAM 34:10

Sakeibaknei vanglaite chu, tasam in, a gil uh a kial sek hi; ahi’n, Lalpa hawlte chun vang, thilpha a tasam ngai puau hi.

SAM 34:4

Lalpa chu ka hawl ah, ama’n ei dawnhu ta’n; ka launa zosia lak ah kipat in ei hukdok tai.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SOLOMON LÂ 5:6

Ka ngai pen â dingin kot ka vak hong ta’n, maleh, ka ngai pen chu, a la kiheimang in ei la taisan tai. Ama’n ei ho lai khan ka dawnhu dukdak pua ahi. Ka hawl jel ah, ahi’n, ka mu zo diak ta puai; ka ko ah, ahi’n, ei dawnhu ta puai.

ISAI 45:19

Thimna gam ah hin a gûk in bangma ka gen puai; Jakob suan leh pâkte kiang in, “Buaina lak in ei hawl un,” ka ti ngai puai. Keima Lalpa hin thudik ka gen a, a dikte bep chu ka taklat sek ahi.

JEREMIAH 29:12

Ziaphat chuleh, lei ko ua, ka kiang ah la hung pauchap uh chun, hun ngaitha ding ka hi.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

MATTHAI 21:22

Bangkim ginna nei ah la dot taphot uh chu, lawting ding la hiu, ti’n a dawnhu a.

MATTHAI 21:31

Aleh, zia pani’te chu a kua zawk chu a pa doigual bawl a hizaw diam? a tia. Amau chun, a masa zawkpa chu, a tiu a. Ziaphat ah chun Jesu’n a kiang un, Titakzet in ka hil la hiu, sedawlte leh nawchizuakte chun Pathian gam a hun lutsan tau hi.

MATTHAI 6:29

himaleh, ka hil la hiu, Solomon hial le a lopina zosia ah a kithuam khan, ziate lak ah pakhat tuk zo hinle jem in a um puai.

MARKA 11:24

Ziaziakchun, ka hil la hiu, bangkim pauchap ah la dot tapo uh chu, a musa’n kingai ziang un, chutileh mu ziang ding la hiu,” a tia.

MARKA 13:37

La kiang ua ka gen hi mi zosia kiang ah ka gen ahi: Kiging zing tau in, a tia.

LUKA 11:10

A don tapo in a mu sek un; a hawl tapo in a mu sek ui; kotkhak kiu tapo chu hon piak hiding a hiu.

JOHAN 14:13

Keima min ah thil la dot tapo uh chu hi’piak ing ka; Pa chu Chapa ziak ah chawihoi ah a umtheina dingin.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 15:7

Nanghaw le keima ah la um zing ua, ka thute le nangmau ah a um zing chun, la dawi dawi uh don un, zia chu hi’piak in um in lau.

JOHAN 4:10

Jesu’n a dawnhu a, “La kiang ah dawn ding ei pia’n, tipa leh, Pathian thilpiak chu he hilechin vang, ama kiang ah hin don zaw’n la tin, ama chun tuihing hun pia ding hive’n,” a tia.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

2 KORINTH 6:2

Ama chun, “Hun kipak um ah ka hun ngaitha zing in, hukdamna ni’n ka hun panpi hi,” a ti ngal a. Ngai tiam un tu’ hi hun kipak um chu ahi’n, ngai tiam un tu’hi hukdamna ni chu ahi!

HEBRAITE 11:6

Ginna lo in Pathian chu sukkipak thei ahi puai; kuale Pathian kiang ah hung chun, ama chu a um ngei hi ti leh, ama hawlte chu kipakman pesek ahi, ti a ginchâk diu ahi.

HEBRAITE 4:16

Ziaziakchun, hepina chu I chan theina ding uh leh panpi I ngai hun ua panpina chu dong ah, lungsiatna I mutheina ding un, jangaina lalchutpha chu hangsan tak in nai hitiu.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

JAKOB 5:15

Ginna pauchapna chun damlo chu hukdam intin, Lalpa‘n amau chu kaitho in a; chun, gitlo a la bawl taphot le ngaidam piak hi’n au.

1 JOHAN 3:22

chuleh, a thupiakte zawm ah a kipakna lam I bawl sek ziak un, I dot taphot I mu sek uh ahi.

THUPUAN 2:24

Himaleh, nanghaw Thuatira khua umte lak ah, zia zilsakna pom lo leh, mi khenkhat in, “Setan Thugil,” a titeu zil lo te kiang in zia hi ka gen hi: Puakgik dang hun guanbe ta pua’ng ka;