LUKA 11:2 - PATHIAN LEKHABU THIANGTHO (BSI)

² A kiang un, “La pauchap tak ua leh zia gual hin gen sek un: ‘Ka Pau, la min ja in um hen. La gam hung tung hen.

LUKA 11:2 ပူးပေါင်းရင်းမြစ်များ

1 LENGTE 8:43

la chênna van ah ngaitha’n la, gam dang mite chunle a hun konau gual in bawl piak in; chutichun, la mi Israelte gual ah hin, lei ah mipite zosia’n la min a hun het ua, a hung lau theina ding un leh, zia ka In sak ah hin la min kiko ahi ti a hettheina ding un.

2 LENGTE 19:19

Ziaziakchun tu’hin, aw Lalpa ka Pathian, lei chung zosia hin nangma bep hi Pathian la hi dan a hun hiattheina ding un, zia mipa khut ah kipat hin ei hukdok ta’n,” a tia.

2 KHANGTHU 20:6

zia gual hin a hun genah: “Aw Lalpa, ka pu leh pateu Pathian, van ah Pathian hilo la hem? Khawvel ah nam tinte lenggam zosia chung ah vaihawm hilo la hem? Nangma khut ah thilhitheina leh hatna zo ding kuama a um puau hi.

SAM 103:20

Aw nang uh a vansawlchâkte haw, nanghaw a thu ngai ah zawm sek, a nasemte haw, Lalpa chu pâk tau in.

SAM 108:5

Aw Pathian, vante chung lam pek ah choisa’n in um in la, la lopina chu lei chung zosia ah chawihoi in um ta hen.

SAM 11:4

Lalpa chu a tempul thiangtho in a um a, Lalpa lalchutpha chu van ah a um hi. Mihing chate a mit in a entha zing in, a patep zing hi.

SAM 57:11

Aw Pathian, vante khêl lam pek ah, choisân in um ta’n! La lopina chun leilung zosia lua suak ta hen!

THUGENTU 5:2

Pathian âng ah thu tut dingin, la kam le kinaw ki’hen la, la lungthim le kinaw diak ki’hen; Pathian chu van ah um ahi’n, nangma lei ah um la hi; ziaziakchun, la thu gendaw chu tawm hen.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

EZEKIEL 36:23

Ka min lopi namtin lak ah la la sukbuak uh, a lak ua la sukbuak uh chu hi’thiangtho ing ka; a mit muu ah nangmau ziak ah ka thiantho’na hi’lat ahi’phat leh, namtin in Keima hi Lalpa ka hi ti hun he ta’n au, Lalpa Pathian in a tii.

DANIAL 2:28

himaleh, van ah Pathian pakhat, thugûk zosia taklang sek a um in, ama chun khawvel huntawp ding lam ah bang gual ah thil hung um ding ahi em ti Lengpa Nebukadnezar kiang in a hun hiatsak ahi chu. Lupna chung ah la lup ah, la mang leh kilâkna la mu chu ziate hi a hiu:” a tia.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

THIAMPUTE LEKHABU 22:23

Bawngchal a hem, belam a hem lak ah piangsual chu nangma kiphalna thu ah thilpiak in pia thei in la tin; himaleh, kipautiamna thilpiak in vang pom piak thei hipua’n a.

HABAKKUK 2:14

Tui in tuisuagiat a chup dim gual in, Lalpa lopina hetna chun khawvel hi sukdim hi’n a.

MATTHAI 10:32

Kuale, mite ma ah ei panpi tapo, ka pa van ah um ma ah panpi ing ka tin;

MATTHAI 3:2

“La gitlo uh haisan tau in, van-gam chu a nai tai,” ti in.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

LUKA 11:1

Jesu chu mun khat in a pauchap ah, a zaw phat in, a nungzuite lak ah pakhat chun a kiang in, “Lalpa, Johan in a nungzuite a hil sek gual in pauchap dan ei hil in,” a hung tia.

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

ROMTE 8:15

Lau tak ah um kit ding ah suak hi’na thagau la chang puau in, cha hi’na thagau la chang uh a hizawi. Tichun, “Abba! He pa!” ti ah I ko phat ua leh,

1 KORINTH 1:3

I pau Pathian leh Lalpa Jesu Khrista ah kipat hepina leh thamuanna nangmau ah um zing ta hen.

2 KORINTH 1:2

I Pau Pathian leh I Lalpau Jesu Khrista ah kipat hepina leh thamuanna chu nangmau ah um ta hen.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

EPHESA 1:2

I Pau Pathian leh Lalpa Jesu Khrista ah kipat hepina leh chamna um ta hen.

PHILIPPI 1:2

I Pau Pathian leh Lalpa Jesu Khrista ah kipat hepina leh chamna la kiang un um ta hen.

PHILIPPI 4:20

I Pathian leh I Pau kiang ah chun lopina kumtuang in um ta hen. Amen.

KOLOSSA 1:2

Kolossa khua Khrista mi thiangthote leh suapi ginumte kiang in; I Pau Pathian kiang ah kipat hepina leh chamna, la kiang un um ta hen.

1 THESSALONITE 1:1

Paul, Silvana leh Timothi in, Pa Pathian leh Lalpa Jesu Khrista jal ah Thessalonika khua kochuamte kiang in: Hepina leh chamna la kiang un um ta hen.

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

THUPUAN 19:6

Mipi tam tak aw tawhbang, tui tampi git tawhbang, van nasa tak git tawhbang hial in: “Halleluijah, Lalpa Pathian Bangkim hi’thei chun vai a hawm tai.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.