LUKA 10:31 - PATHIAN LEKHABU THIANGTHO (BSI)

³¹ Zia lampi chun thiampu pakhat a hung a; himaleh, a mu phât in lam pâm langkhat lam in a pêl tai.

LUKA 10:31 ပူးပေါင်းရင်းမြစ်များ

2 SAMUEL 1:6

Zia tangvalpa chun, “Gilboa tângvûm ah chun ka vavâk lut in; Saul chu a chemjam kisutthil sak in, sakol kângtalai leh a chung chuang mite chun a hun ûm un.

SAM 142:4

Ka changlam en inla, ngaitia: kuama ei limsak a um puau in; ka kisêlna dingle a um ta puai; kuama’n ei khawtua puau hi.

SAM 69:20

Mi ei gensiatna ziakin ka tha a sia’n, nasa tak in ka lungkham hi. Ei hepi ding ka hawl in, khat chale a um puai; ei thamuan ding ka hawl in, khat chale ka mu zo puai.

THUPILTE 21:13

Migentheite kâ thawm la kihiatlosak chun, nangma kâ le kuama’n ngaisak pua’n a.

THUGENTU 9:11

Chuleh, khawvel ah ka thil mu kit dang khat chu, kitaisiakna chu mi chan-gangte â ding bep ahi diak pua’n, kido’na chu mihâtte â ding mawng ahi diak pua’n; vaithum chule mipilte â ding bep ahi diak pua’n, hausakna le a hethiamte â ding bep ahi diak pua’n, doisakna le mi khutthiamte â ding bep ahi diak puai; a leng un hun lemchâng kibang tak ah piak ahi chiat ui.

ISAI 58:7

Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

HOSEA 6:9

Suammangte’n mi a chânguk gual un, thiampute a pung khawm un; Shekhem zawtna lampi’n mi a that un, tualtha’na huaisia tak a bawl tau hi.

MALAKI 1:10

Nanghaw lak ah mi pakhat bêk ka mâichâm ah a thawn mai ah mei sêm ahilo’na ding ah, ka tempul kotkhak vakhâk ding um maileu chin aw! La chung ua kipakna him ka nei pua’n, la khut ua kipat thillat chu pom him him pua’ng ka, sepai honte Lalpa chun a ti ahi.

LUKA 10:30

Jesu’n a dawnhu a, “Mi kua a hem khat Jerusalem ah kipat Jeriko zuan in a chia suk leh, guchate a tuak kha ta’n; a puante lâkpiak in a hi’liam ua, a thilo bep in a nusia tau a.

LUKA 10:32

Zia gual ma chun Levi mi pakhatle a hung a, a mun a hung tun phatin a vak en ah, ama’nle lam pâm langkhat lam in a pêl kit tai.

RUTH 2:3

Tichun, a kuan ta ngei a. Bu-âtte nung lam ah bulêpte chu a la khawm ta’n. Elimelek chanau kinaipi, Boaz lou lam in a hung vâk lut kha tai.