LUKA 10:19 - PATHIAN LEKHABU THIANGTHO (BSI)

¹⁹ Ngai un, gûlte, ainuvette chotden theina leh mêlma chung ah thuneina ka piak la hiu; bangma’n hun hi’liam thei pua’n au.

LUKA 10:19 ပူးပေါင်းရင်းမြစ်များ

2 KHANGTHU 10:11

Ka pa khan la ngawngkol uh gik tak in a hun puaksak hi maw! Keima’n la puakgik uh chu hun belap piak nalai ding ka hi. Ka pa khan mi jepna mol in a hun vaw sek in; keima’n chu ainuvet hun pe’sak in, hun engbawl ding ka hi,’ ti’n gen in,” a tiu a.

SAM 91:13

Sakeibaknei leh thangchom chuan den in la tin, sakeibaknei vanglai leh gulpi chu, chuanchil ding la hi.

ISAI 11:8

Nau nawichep lai le gûlsepi kawhawm in kihel ta’n tin, naupangte’nle thangchom a nop nop un khoi thei ta’n au.

EZEKIEL 2:6

Aw mihing, nang in vang amau chu lau kin la, khaugui lingnei leh ling in a ûm kîmvêl leh, ainuvette lak ah chêng hiziang malehchin le, a thugen uh le lau diak kin; mi helmangte a hiziak un, a thugen uh lau kin la, a mêl putdan uh le huphul diak kin.

MARKA 16:18

Gûlte khut in la’n tin uh, thina gu bang gual dawn maleu bangma ti pua’n au; damlote chung ah khut nga’n tin uh, hung dam jel in au,” a tia.

LUKA 11:12

Aktui don ta leh ainuvet a pia diam leh?

NASEPTE 28:5

Himaleh, ama chun mei lak in a thingtha, bangma a ti him him puai.

ROMTE 16:20

Tichun, chamna Pathian chun Setan chu la kengpêk nuai un chuan jawt vak ta’n a. Lalpa Khrista lungsiatna chu la kiang un um ta hen.

THUPUAN 11:5

Amau chu min hi’nat a guat ua leh, a kam ua pat mei pawt chun a gâlteu chu a kâng tum mai sek un; tichun kuale amau hi’nat gaw tapo chu thâ ah um jel ding a hiu.